Otandyq kınoındýstrııanyń damýyna kedergi keltiretin sebepter ataldy
ASTANA. QazAqparat - Qazaq ǵylymı-zertteý mádenıet ınstıtýtynyń bas dırektory Andreı Hazbýlatov otandyq kınonyń damýyna kedergi keltiretin basty sebepterdi atady.
«Ulttyq kınoóndirisiniń ósimine kedergi keltiretin faktorlarǵa kınoprokat pen kınojobalar qaıtarymynyń tómendigin, kınoóndirisine jeke jáne sheteldik ınvestıtsııa kóleminiń tómendigin, nesıeleý jáne qaıtarymdy qarjylandyrý júıesiniń bolmaýyn jatqyzýǵa bolady», - dedi ol «Qazaqstandaǵy kınematografııany 2050 jylǵa deıin damytý tujyrymdamasy jobasyn talqylaý» taqyrybyndaǵy dóńgelek ústel otyrysynda.
Sonymen qatar, ınstıtýt basshysy ulttyq kınoındýstrııanyń damý statıstıkasy kınoteatrlar men kınozaldar sanynyń artýyna da tikeleı baılanysty ekendigin aıtyp ótti.
«Ekrandar sanynyń jetkiliksiz bolýy qazaqstandyq fılmder óndirisiniń damý múmkinshiligin aıtarlyqtaı shekteıdi. Kınematografııany odan ary damytý úshin kelesi problemalar men shekteýlerdi sheshý qajet. Qazaqstandyq fılmder óndirisi tómen kólemimen sıpattalady. Jyl saıyn shyǵarylatyn qazaqstandyq fılmder respýblıka kınoteatrlarynda sheteldik kınoóndimderge laıyqty básekeles bola almaýda. Halyqty kıno kórsetý qyzmetimen qamtamasyz etýdiń barynsha tómengi deńgeıi jaǵdaıynda óte tómen qarqynmen damyp keledi. Jyl saıynǵy ósim kınozaldardyń 10 paıyzǵa jetpeıtin kólemin quraıdy», - dedi ol.
A.Hazbýlatov qazaqstandyq fılmderdiń shetelde kórsetilýine shekteýdiń bolýy da otandyq kınoındýstrııanyń damýyna kedergi bolýda.
