Otandyq kıim ónimderi qytaı naryǵyna shyǵaryla bastady
ASTANA.QazAqparat - Qazaqstanda tigilgen zamanaýı ulttyq úlgidegi kıim ónimderi qytaı naryǵyna shyǵaryla bastady, dep habarlaıdy QazAqparat tilshisi.
«Hansha» kompanııasynyń dırektory Erikbaı Dıdardyń aıtýynsha, qytaılyq tutynýshylar qazaqstandyq dızaınerlerdiń áıelderge arnalǵan zamanaýı úlgidegi kóılekterine qyzyǵýshylyq tanytyp otyr.
«Bizdiń ónimder bul kúnde Qytaıdyń Úrimji qalasynda iri saýda ortalyqtary jáne sheteldik kıimderdi satýmen aınalysatyn kompanııalar arqyly qytaı naryǵynda satyla bastady. Bizdiń bilýimizshe kıimderdiń tigilý sapasy jáne tek bizge ǵana tán stıldegi dızaıny qytaılyq tutynýshylardy ózine baýrap alǵan» -, dedi Dıdar.
Kompanııa basshysynyń aıtýynsha, Qytaı jáne Mońǵolııadaǵy suranystyń kóp bolýyna baılanysty ulttyq ónimder áli Qazaqstan naryǵyna shyǵarylmaǵan.
«Elbasynyń shaǵyn jáne orta kásipkerlikti qoldaýy aıasynda, otandyq kıim óndirisin damytýdy jáne shetelge shyǵarýdy maqsat etip otyrmyz. Kúni keshe ǵana «Nur Otan» partııasynyń Astana qalalyq fılıalynyń qoldaýynda Astanadaǵy «Kerýen» saýda oıyn-saýyq ortalyǵynda kóılekterdiń kórsetilimin ótkizdik. Otandastarymyzdyń otandyq kıimderge yqylasy joǵary boldy» -, deıdi Erikbaı Dıdar.
