Otandyq kásiporyndardy qoldaýǵa úsh jylda 500 mlrd teńge bólinedi
NUR-SULTAN. QazAqparat - Otandyq kásiporyndardy qoldaýǵa 3 jylda 500 mlrd teńge bólinedi. Bul týraly búgin Úkimet otyrysynda QR Premer-Mınıstriniń orynbasary Jeńis Qasymbek aıtty, dep habarlaıdy QazAqparat tilshisi.
«Otandyq kásiporyndardy qarjylyq jáne qarjylyq emes qoldaýdy kúsheıtý maqsatynda aldaǵy úsh jylda 500 mlrd teńge, onyń ishinde «Báıterek» holdıngi quraldary arqyly 470 mlrd teńge bólinetin bolady. Onyń ishinde 8 mlrd teńge eksportqa deıin jáne eksporttyq qarjylandyrýǵa «Qazaqstan damý banki» arqyly jumsalady. 95 mlrd teńgege «Qazaqstan damý banki» jelisi boıynsha «Nurly jol» baǵdarlamasy aıasynda eksporttaýshylardy qarjylandyrý jalǵasady. 125 mlrd teńge óńdeý ónerkásibin qoldaýǵa bólingen Ulttyq qor qarajatyn qaıta úlestirý úshin qarastyrǵan. Eksportty qarjylandyrý kólemi 3 jyldyń ishinde 300 mlrd teńgeni quraıdy», - dedi ol.
Vıtse-premer dereginshe, Qazaqstannyń eksport jelisi boıynsha «Qazaq eksport» kompanııasyn kapıtaldanyrýǵa qarastyrlǵan 68 mlrd teńgeniń 34 mlrd teńgesi 2019 jyldyń 29 naýryzynda alynǵan. 2020 jyly qosymsha 34 mlr teńge túsedi.
«102 mlrd teńgeni «Qazaq eksport» mindettemeleri boıynsha memlekettik kepildendirilgen lımıtte bólýge kózdelgen. «Qazaq eksport» óńdeý ónerkásibi salasynda 103 mlrd teńge somasyna 33 jobany qarastyrý ústinde. Qalǵan 30 mlrd teńgeniń 15 mlrd teńgesi 2019 jyly eksporttaýshylardyń kóliktik shyǵyndaryn óteý jáne eksporttaýshylarǵa servıstik qoldaý kórsetýge baǵyttalǵan», - dedi J.Qasymbek.
