Otandyq kásiporyndar keshe 748 myń dana betperde shyǵardy

NUR-SULTAN. QazAqparat - Ótken táýlikte otandyq kásiporyndar 748 myń dana betperde shyǵardy, dep habarlaıdy QazAqparat QR IIDM baspasóz qyzmetine silteme jasap.

«2020 jylǵy 7 shildedegi jaǵdaı boıynsha elimizde táýligine 748 myń dana betperde óndirildi. Onyń ishinde farmatsevtıkalyq kásiporyndar 549 myń dana, tigin – 199 myń dana óndirdi. Qoımalarda 3 798 myń dana betperde bar. Tıisti aqparat «SQ-Farmatsııa« JShS-na berilip turady. Óz kezeginde QR Densaýlyq saqtaý mınıstrligi óndirilgen ónimdi el óńirlerine bóledi.
Medıtsınalyq betperdelerdiń iri óndirýshileriniń biri «Dolce-Pharm« farmatsevtıkalyq kompanııasy bolyp tabylady. Ótken táýlikte kásiporyn 210 000 dana betperde shyǵardy», delingen habarlamada.