Otandyq kásiporyndar dári-dármek pen medıtsınalyq buıymdardyń 75% óndiredi

NUR-SULTAN. QazAqparat – Jyl basynan beri otandyq kásiporyndar farmatsevtıkalyq ónimderge degen qajettilikti qamtamasyz etip, óndiristi 34,1% arttyrdy. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat.

«Otandyq farmatsevtıka salasynda 96 kásiporyn jumys isteıdi. Olardyń 33-i dárilik zattar, 41-i medıtsınalyq buıymdar jáne 22-si medıtsınalyq tehnıka óndiredi. Bes myńnan astam adam farmatsevtıka ónerkásibiniń turaqty qyzmetin qamtamasyz etedi. Іri óndiris oshaqtary elimizdiń 4 óńirinde – Almaty men Shymkent qalalarynda, Almaty jáne Qaraǵandy oblystarynda ornalasqan. Olar dári-dármek pen medıtsınalyq buıymdar óndirisiniń 75 paıyzyn qamtamasyz etedi», - dedi mınıstr.

Sala kásiporyndarynyń turaqty qyzmeti nátıjesinde 2019 jyly óndiris kólemi 18 paıyzǵa ósip, 92 mlrd teńgeni qurady.

«Eksport 69 paıyzǵa artyp, 59 mln AQSh dollaryna jetti. Bıylǵy 8 aıda otandyq kásiporyndar farmatsevtıkalyq ónimderge degen joǵary qajettilikti qamtamasyz etip, óndiris 34,1 paıyzǵa nemese 81,5 mlrd teńgege ósti. Investıtsııa 5,2 paıyzǵa artyp, 4,1 mlrd teńgeni qurady», - dedi Beıbit Atamqulov.