Otandyq ınternet-dúkenderdiń basty artyqshylyǵy nede
«Negizi, ózimizdiń ınternet-dúkenderimiz sheteldiń onlaın saýda jelilerimen básekege túse alady. Óıtkeni bizdiń birneshe artyqshylyǵymyz bar. Máselen, sheteldiń ınternet-dúkeni arqyly tapsyrys bergende taýar, kem degende, 10-15 kúnniń ishinde jetkiziledi. Qazaqstanda ondaı taýarlardy kýrerlik kompanııa bir-eki kúnde, al poshta eki-alty kúnniń ishinde jetkizip beredi. Ol - bir. Ekinshiden, shetelden satyp alynǵan taýardy ustaýǵa, ıa bolmasa, kıip kórýge múmkindik joq. Aqshasyn jiberesiz, biraq ol zat sizge kele me, joq pa, eshkim kepildik bere almaıdy. Al Qazaqstanda tapsyryspen alǵan zatty poshtada ashyp kórýge bolady. Unasa alasyz, unamasa, qaıtaryp beresiz», - deıdi A.Alshanbaev.
Onyń aıtýynsha, otandyq ınternet-dúkenderdiń taǵy bir artyqshylyǵy - tólem júıesi. Shetelden taýar aldyrtqanda aqshany birden tóleý kerek. Al Qazaqstanda taýar kelgennen keıin de tóleýge bolady.
«Búginde álem boıynsha elektrondy saýda-sattyq qyzyp tur. Máselen, ótken jyly tek Qazposhta arqyly ǵana 17 mln sálemdemeler jetkizildi. Sonyń 60 protsenti ózimizdiń ınternet-dúkenderimizge tıesili. Qalǵany - shetelden kelgen taýarlar. «Qazaqstandyqtar ınternet arqyly, kóbinese, telefon tysqaptaryn, saǵat, san alýan áshekeı zattaryn satyp alady. Sebebi ondaı taýarlardy ustap kórýdiń qajeti joq. Budan bólek, qymbat gadjetterdi de alyp jatady», - dep atap kórsetti A.Alshanbaev.
Aıta keteıik, búgin «Qazposhta» AQ-nyń Astanadaǵy «E-Commerce» ortalyǵynda tsıfrlyq tehnologııalarǵa arnalǵan semınarlar bastaldy. Búgingi shara elektrondy saýda júrgizý máselesine arnaldy.
