Otandyq ınnovatorlardyń tehnologııalyq jobalary bıznes ınkýbatorlarda iske asyrylýda

STANA. Qazannyń 21-i. QazAqparat /Jasulan Amanbaıuly/ - Otandyq ınnovatorlardyń tehnologııalyq jobalary bıznes ınkýbatorlarda iske asyrylatyn bolady. Bul týraly búgin Astanada Indýstrııa jáne jańa tehnologııalar mınıstrliginde ótken baspasóz máslıhatynda «Injınırıng jáne tehnologııalar transferti ortalyǵy» AQ Basqarma tóraǵasy Saıat Núsipov málim etti.

«Údemeli ındýstrııalyq-ınnovatsııalyq baǵdarlamaǵa sáıkes, Úkimet tehnologııalyq bıznes ınkýbatsııa degen jańa baǵdarlama jasaqtady. Bıýdjetten 245 mln. teńge bólinip, bizdiń ınnovatorlarymyzǵa, ónertapqyshtarymyzǵa, ǵalymdarymyzǵa qyzmet kórsetý úshin, olardyń jańalyqtaryn ómirde júzege asyrý úshin, naqty ekonomıkaǵa shyǵarý úshin tehnoparkterde júrgiziledi», - dedi S. Núsipov.

Onyń aıtýynsha, Úkimet ekonomıkalyq áleýeti joǵary ınnovatsııalyq jobalardy tańdap, óndiriske qosqanǵa deıingi kezde qarjylandyryp otyrady. Qazirgi ýaqytta iskerlik ınkýbatorlarda osyndaı 30 joba iske asyp jatyr. Olardyń kórmesi Indýstrııa jáne jańa tehnologııalar mınıstrliginiń ǵımaratynda qoıylǵan.

Jalpy QR Indýstrııa jáne jańa tehnologııalar mınıstrliginiń málimetteri boıynsha, jobaǵa qatysýǵa 336 ótinim túsken. Onyń ishinde 64 ótinim áleýetti dep tanylyp, olar memlekettik ǵylymı-tehnıkalyq, ekonomıkalyq jáne ekologııalyq pysyqtakdan ótkizilýde.

Tehnologııalyq bıznes ınkýbatsııa baǵdarlamasynda jobalardy qarjymen qamtamasyz etýden bólek, shetel memleketterinde jáne halyqaralyq patenttik uıymdarda zııatkerlik menshik obektilerin patentteý isi qolǵa alynǵan.