Otandyq ǵalymdardyń jobalary qaı salalarda qoldanysqa engizilip jatyr

ASTANA. QazAqparat – Qazaqstandyq ǵalymdar oılap tapqan jańalyqtar elimizdegi 7 mańyzdy salaǵa belsendi túrde engizilip jatyr. Bul týraly Ǵylym jáne joǵary bilim mınıstrliginiń QazAqparat tilshisiniń saýalyna joldaǵan jaýabynda jazylǵan.

«Ǵylymı jáne ǵylymı-tehnıkalyq qyzmet nátıjelerin óndiris pen bızneske engizý úshin kommertsııalandyrý granttaryn «Ǵylym qory» AQ qarjylandyrady. Ǵylym qorynyń kommertsııalandyrý jobalar portfeli ekonomıkanyń birneshe salasyn qamtıdy», - dep jazylǵan mınıstrlik usynǵan jaýapta.

Málim bolǵandaı, otandyq ǵalymdardyń ár salaǵa engizilip jatqan jobalarynyń úlesi mynadaı:

- Aýyl sharýashylyǵy - 33,65%;

- Densaýlyq saqtaý - 14,5%;

- Hımııa ónerkásibi - 11,8%;

- Tsıfrlandyrý - 7,7%;

- Metallýrgııa jáne metall óńdeý - 5%;

- Energetıka keshenin jańǵyrtý - 5%;

- Ekologııa - 5% jáne taǵy da basqa salalar.

Eske sala keteıik, buǵan deıin keıingi eki jylda qazaqstandyq ǵalymdar oılap tapqan jańalyqtar jaıynda jazǵan edik.

Sonymen qatar otandyq ǵylymı kadrlardyń jobasyna qyzyǵýshylyq tanytqan shet memleketter de belgili boldy.