Otandyq ǵalymdardyń arqasynda Qazaqstanda 253 jańa ónim túri shyǵarylady
«Úsh jyldyq qoldaýdan keıin jobalyq qýatyn eńsergen soń bizdiń jobalar eki konkýrs boıynsha 253 jańa ónim túrin shyǵaratyn bolady. Men bul rette ótkizilgen úshinshi konkýrs týraly aıtyp otyrǵan joqpyn. Ol ónimderdegi qazaqstandyq quramnyń úlesi - 85 paıyz», - dedi Ánýarbek Sultanǵazın Astanada Senat depýtattarymen kezdesý barysynda.
«Ǵylym qory» AQ Basqarma tóraǵasynyń aıtýynsha, osy jobalardyń arqasynda 951 jumys orny ashylady. Ol ónimderdiń kommertsııalyq satylymynan 30 mlrd teńge túsedi dep kútilýde.
«ıAǵnı, ótkizilgen eki konkýrs boıynsha 95 joba iriktelip, ol jobalar shynaıy kórsetkishterdi kórsetetin bolady», - deıdi ol.
Eske sala ketsek, «Ǵylym qory» AQ Basqarma tóraǵasy Ánýarbek Sultanǵazınniń úsh konkýrstyń nátıjesi boıynsha maquldanǵan jobalarǵa otandyq bıznes ókilderi burynǵydan kóbirek aqsha bóle bastaǵanyn habarlaǵan edik.
«Alǵashqy konkýrsqa bar-joǵy 337 joba kelip tústi de, sonyń nátıjesi boıynsha 32 joba qarjylandyrý boıynsha qoldaý tapty. Al 2017 jyly ótkizgen konkýrsqa 502 joba tústi. Olardyń ishinde 72 joba qoldaýǵa ıe boldy. Sonymen qatar, úshinshi konkýrsqa 431 joba qabyldanyp, onyń 78-i irikteldi. Osylaısha, iske asyrylǵan jobalardy eseptep otyrsaq, úsh konkýrs boıynsha maquldanǵan jobalarǵa bólinetin qarajattyń 40,3 paıyzyn bıznes ókilderi aýdarǵan. Demek, bıznes qazirgi tańda Qazaqstanda ǵylymmen jumys isteýge bolatynyna sendi», - deıdi Ánýarbek Sultanǵazın.