Otandyq ǵalymdar Qytaıdaǵy baqsha ósirý tájirıbesiniń erekshelikterimen tanysty
Sapar maqsaty - eki eldiń sala mamandarynyń tájirıbe almasyp, ózara aralasýyna jaǵdaı jasaý jáne aýyl sharýashylyǵy salasyndaǵy sońǵy ǵylymı-tehnıkalyq jańalyqtarmen bólisý.
Arnaıy topty «Jazken Jıembaev atyndaǵy Qazaq ósimdik qorǵaý jáne karantın ǵylymı-zertteý ınstıtýty» JShS bas dırektory A.Saǵıtov bastap bardy. Onyń quramynda Jáńgir han atyndaǵy Batys Qazaqstan Agrarlyq-Tehnologııalyq ýnıversıteti rektory N.Serǵalıev, Qazaq ulttyq agrarlyq ýnıversıtetiniń Agrarlyq tehnıka jáne tehnologııa kafedrasynyń meńgerýshisi, tehnıka ǵylymdarynyń kandıdaty, professor S.Bekbosynov, «Qazaq kartop jáne kókónis sharýashylyǵy ǵylymı-zertteý ınstıtýty» JShS-nyń bıotehnologııalar laborotorııasynyń meńgerýshisi J.Toqbergenova, S.Seıfýllın atyndaǵy qazaq agrotehnıkalyq ýnıversıtetiniń akademııalyq máseleler jónindegi departament dırektory N.Serikpaev, S.Seıfýllın atyndaǵy qazaq agrotehnıkalyq ýnıversıtetiniń halyqaralyq qatynastar jáne kóp tildi oqytýdy damytý ortalyǵynyń dırektory S.Meıramova, QR Aýyl sharýashylyǵy mınıstrliginen D.Jaqypova jáne t.b. múddeli otandyq uıymdardyń ókilderi bar.
«Bizdiń elimizdiń aýyl sharýashylyǵy mamandaryna mundaı saparlardyń paıdasy zor. Osyndaı eki jaqty qarym-qatynastardyń arqasynda kásibı biliktiligimiz joǵarylaı túsedi. Qazirgi tańda qytaılyq áriptesterimizdiń jańa tehnologııalarymen tanysýdyń sáti túsip otyr. Aldaǵy ýaqytta olardyń eń ozyqtaryn óz elimizde engizetin bolamyz. Eki jaq ta budan utylmaıdy degen oıdamyn. Kezindegi Jibek jolynyń da mıssııasy osy mindetinen kórinetin. Biz birlesip, sol tarıhı sabaqtastyqty qaıta qalpyna keltire alamyz», - dep atap ótti «Jazken Jıembaev atyndaǵy Qazaq ósimdik qorǵaý jáne karantın ǵylymı-zertteý ınstıtýty» JShS bas dırektory A.Saǵıtov.
Alǵashqy nysan Qytaı Halyq Respýblıkasy Shyńjań Uıǵyr avtonomııalyq aýdanynyń Birinshi mamyr memlekettik aýyl sharýashylyǵy kórsetilim aımaǵyn aralaýmen bastaldy. Atap aıtqanda, arnaıy top osy aımaqta ósimdik sharýashylyǵymen aınalysyp jatqan kásipkerlerdiń jylyjaılarynyń tehnıkalyq jetistikterimen tanysty.
Sondaı jylyjaıda qulpynaı men gúldiń sırek kezdesetin jáne joǵary baǵalanatyn túrlerin ósirip jatqan jas baǵban Hýılo Ho qazaqstandyqtardy óz baý-baqshasynan dám tatýǵa shaqyra otyryp, býdandastyrý arqyly alynǵan jańa ósimdikterdiń erekshelikterin áńgimeledi. Onyń ishinde, 1 danasynyń baǵasy 2 myńnan 6 myń AQSh dollary turatyn gúl túrin Qazaqtanda ósirýge usynys jasady.
Budan keıin Qytaı tarapy qazaqstandyqtardy atalǵan aımaqtyń taǵy bir mańyzdy ortalyǵy - Shyńjań óndiristik-qurylys korpýsynyń (ShÓQK) «Chjýn ıkaıe» baý-baqsha kompanııasy nysandaryn tamashalatty. Munda top kókenisterdi jylyjaıda sýǵarý, jyly ustaý, aralardy paıdalaný arqyly tozańdandyrý tártipteri men ósimdikterdiń durys ósýin qadaǵalaıtyn qural-jabdyqtardyń jumysymen jáne de keń aýqymda qalalardy aǵash ekpelerimen qamtamasyz etýge qabyletti tikpe kóshetter alqaptarynyń kútilip-baptalý erekshelikterimen tanysty.
Bul oraıda, ShÓQK syrtqy ister basqarmasynyń basshysy Van ıÝıke qys mezgili men kúnniń sýyqtyǵyna qaramastan shekara asyp kelgen áriptesterine rızashylyǵyn jetkizdi jáne Qazaqstan men Qytaı naryǵy áleýetiniń bir-biriniń qajettilikterin óteýge tolyqtaı jetetinin aıtty.
«Qytaı elshiligi Úrimjige taban tireýlerińizge barynsha kúsh saldy. Bul bizdiń elimizdiń Qazaqstanǵa aıryqsha mán beretinin kezekti ret kórsetip otyr. Shyńjań óndiristik-qurylys korpýsy úshin de bul asa mańyzdy oqıǵa. Qytaı halqynda «Jaqyn kórshi, alystaǵy týysqanyńnan jaqsy» degen maqal bar. Endeshe, Qytaı eline jasap otyrǵan saparlaryńyz jemisti bolady dep bilemin. Óz kezeginde, osy sapar aıasynda aýyl sharýashylyǵy baǵytynda, onyń ishinde, ǵylym men tehnıka tarmaqtaryndaǵy yntymaqtastyǵymyz arta túsedi degen senimdemin», - dedi ol.
Sonymen qatar, atalǵan top aýyl sharýashylyǵy ónimderin satý jónindegi «Tszıý Dın» korporatsııasy men «Sın-Tıan-Bın-Hý» tehnoparkine ekskýrsııa jasady.
Aıta keteıik, arnaıy top bıyl 23 qarashadan 2 jeltoqsan aralyǵynda QHR aýmaǵyndaǵy aýyl sharýashylyǵynyń eń basty óndiristik keshenderin aralaıtyn bolady. Sondaı-aq, Shensı provıntsııasynyń Aýyl jáne orman sharýashylyqtary soltústik-batys ýnıversıteti, He-nan prvıntsııasynyń Aýyl sharýashylyǵy ǵylymdary akademııasy men agrarlyq ýnıversıteti jáne TMD elderimen ǵylymı-tehnıkalyq yntymaqtastyq jónindegi Gýandýn Odaǵynda jergilikti sarapshylarmen pikir almasý josparlanýda.