Otandyq eksporttaýshylardy qoldaý maqsatynda júkterdi tasymaldaý quny tómendemek

ASTANA. QazAqparat - Búgin QR Parlamentiniń birlesken otyrysynda Elbasy Nursultan Nazarbaev Keden odaǵynyń biryńǵaı ustanymdar jáne tehnıkalyq retteý erejeleri týraly kelisimine ózgerister engizýdi tapsyrdy.

«Kedendik protsedýralardy barynsha jeńildetý kerek. 2015 jyldyń 1 qańtarynan bastap, kedendik baqylaý kedendik tazartý kezeńinen taýardy shyǵarǵannan keıingi kezeńge aýysýy tıis. Aǵymdaǵy jyldyń aıaǵyna deıin otandyq eksporttaýshylardy qoldaý maqsatynda júkterdi tasymaldaý qunyn tómendetý, kedendik rásimdeý merzimin qysqartý jáne olardyń oryndalýyn qadaǵalaý boıynsha sharalardy ázirleý qajet», - dedi Prezıdent. Osy oraıda, Memleket basshysy halyqaralyq sáıkestik sertıfıkattaryna oraı Keden odaǵynyń biryńǵaı ustanymdar jáne tehnıkalyq retteý erejeleri týraly kelisimge ózgeris engizýdi Úkimetke tapsyrdy. Bul otandyq kásipkerlerdiń shyǵyndaryn aıtarlyqtaı tómendetýge yqpal etedi.