Otandyq dári-dármek óndirýshiler úsh aýysymmen jumys istep jatyr -vıtse-mınıstr
Vedomstvonyń málimetinshe, otandyq dári-dármek óndirýshileri úsh aýysymdyq jumys formatyna kóship, óndiristiń barynsha joǵary qýatyn jolǵa qoıdy. Olar bólshek saýda men ambýlatorlyq jáne statsıonarlyq deńgeıde tegin dári-dármekpen qamtamasyz etý úshin de ónimderdi úzdiksiz jetkizýdi qamtamasyz etip otyr. Bul joǵary deńgeıdegi kezdesýlerdiń nátıjesi. Premer-Mınıstrdiń orynbasary Eraly Toǵjanov pen elimizdiń bas dárigeri Alekseı Tsoı 25 otandyq farmatsevtıkalyq zaýytpen jáne dıstrıbıýtorlarmen naryqty neǵurlym suranysqa ıe dárilik preparattarmen jedel qamtamasyz etý týraly kelisimge qol jetkizgen bolatyn.
Buǵan deıin habarlaǵanymyzdaı, naryqtaǵy otandyq óndirýshilerdiń úlesi nebári 13 paıyzdy ǵana qurap otyr. Degenmen, otandyq medıtsınalyq preparattardy óndirýshilerdi qoldaý maqsatynda qurylǵan Biryńǵaı dıstrıbıýtor «SK-Farmatsııa» kompanııasy olarmen 10 jylǵa uzaqmerzimdi kelisimshart jasasqan. Nátıjesinde otandyq óndirýshilerden preparattar men medıtsınalyq buıymdardy satyp alý kólemi birneshe esege artty.
«Búgingi tańda Biryńǵaı dıstrıbıýtor nomenklatýrasynyń 50 paıyzy otandyq dári-dármekter men medıtsınalyq buıymdardan turady», - dedi Lıýdmıla Bıýrabekova.