Otandyq tsement óndirisi ishki naryqty qamtamasyz ete alady

NUR-SULTAN. QazAqparat - Qazaqstan aýmaǵynda tsement óndiretin 15 zaýyt ornalasqan. Ár túrli sebepterge baılanysty keıbir zaýyttar tsement óndirisi men satylymyn toqtatty, dep habarlaıdy QazAqparat tilshisi.

Bul Básekelestikti qorǵaý jáne damytý agenttiginiń 2020 jylǵy jáne 2021 jylǵy 5 aıǵa tsement ótkizý naryǵyna taldaý júrgizý kezinde anyqtaldy.

«2020 jyly tsementti óndirý jáne bastapqy satý boıynsha qyzmetti 12 sýbekt, 2021 jyly 11 sýbekt júzege asyrdy. Otandyq tsement óndirisi ishki naryqtyń qajettilikterin tolyq qamtamasyz ete alady», - delingen vedomstvonyń málimetinde.