Otandyq bıznes ozyq halyqaralyq standarttardy jáne basqarýdyń zamanaýı júıelerin paıdalanýǵa kóshýi tıis - Elbasy
dep habarlaıdy QazAqparat.
Elbasynyń aıtýynsha, árbir qazaqstandyq bıznes kompanııa osy erejege saı bolýy tıis. «Elimizde 2 myńnan astam uıymdar halyqaralyq standarttarǵa negizdelgen menedjmenttiń zamanaýı júıesin engizdi. Kúni keshe ǵana bulardyń sany jıyrmadan sál asatyn. Endi mine 2 myńnan asyp otyr. Bas-aıaǵy bes jyldyń ishinde mundaı kásiporyndardyń sany 10 eseden astamǵa ósti. Alaıda, bunyń ózi áli eshteńe emes. Taǵy 200-den astam kásiporyndar zamanaýı júıeni engizý satysynda tur. Bir jaǵynan kóńildi marqaıtatyn bul tsıfrlar Qazaqstanda sapany qamtamasyz etý máselesine birinshi kezekte nazar aýdaryla bastaǵanynyń dáleli. Bylaısha aıtqand, bizde budan basqa jol joq. Tıisinshe, qazaqstandyq kásiporyndar ózderiniń jumystarynyń tıimdiligin arttyryp jatyr. Básekege qabilettiliktiń álemdik deńgeıine shyǵýda», dedi Prezıdent.
N. Nazarbaevtyń aıtýynsha, búginde ónimniń sapasy bul tek qana kez-kelgen iri nemese shaǵyn kásiporyn qyzmetindegi tabystyń kilti ǵana emes, sonymen birge qandaı da bir memlekettiń ekonomıkalyq júıesiniń tıimdiliginiń kilti bolyp sanalady. Sondyqtan qazirgi tańda joǵary sapaǵa qol jetkizý jetekshi elderdiń ekonomıkalyq saıasatynyń negizgi basymdyqtary bolyp tabylady.
