Otandyq bilim berý salasyn jetildirýdi matematıkadan bastaý qajet - mınıstr B.Jumaǵulov
ANA. 11 mamyr. QazAqparat /Arman Asqarov/ - Negizi, adamnyń barlyq ómiri matematıkaǵa tikeleı baılanysty. Sondyqtan otandyq bilim berý salasyn jetildirýdi matematıkadan bastaý qajet.
Búgin Astanada bastalǵan Qazaqstan Respýblıkasy matematıka páni muǵalimderiniń I seziniń ashylý saltanatynda QR Bilim jáne ǵylym mınıstri Baqytjan Jumaǵulov osylaı aıtty.
Onyń paıymdaýynsha, matematıkalyq bilim berýdi kóterý arqyly basqa da ǵylym salalaryn damytýǵa jol ashylady. «Bul jumys tek mektep deńgeıindegi matematıkaǵa ǵana baılanysty emes, ony kásibı-tehnıkalyq jáne joǵary bilim salalarynda da júrgizý qajet. 12 jyldyq bilim berýge kóshý asynda osy úrdistiń ózektiligi zor. Sebebi ol kezde múldem basqa ádistemeler, oqýlyqtar men baǵdarlamalyq keshender qajet bolady. Osy oraıda matematıka kóshbasshylyq tizgindi bek ustaýy tıis», - dep atap kórsetti B.Jumaǵulov.
