Otandyq aýyl sharýashylyǵy salasynyń 20 paıyzy bankrottyq aldynda tur - respýblıkalyq basylymdarǵa sholý

***

Kedendik Odaqqa múshe memleketterdiń Іshki ister organdary uıymdasqan qylmys pen esirtki bıznesine, zańsyz kóshi-qonǵa qarsy kúresti birlesip júrgizýdiń joldaryn talqylaýda. Olaı etpeske

amal joq. Sebebi Keden Odaǵyna múshe elderdiń arasyndaǵy jańa ekonomıkalyq qarym-qatynastyń ornaýy, qylmystyq toptardyń josparlaryna ózgeris engizýi de múmkin eken. Belarýs Іshki ister mınıstri «Keden Odaǵy quqyqqa qaıshy áreketterdiń kóbeıýine de múmkindik týǵyzýy múmkin. Sondyqtan quqyq qorǵaý organdary úshin krımınogendik ahýaldy durys boljaý mańyzdy bolmaq», deıdi. Bul másele jóninde «Aıqyn apta» basylymynyń búgingi sanyndaǵy «Keden Odaǵynyń qurylýy, qylmystyq toptardyń josparyna ózgeris engizýi múmkin» atty maqalada.

Sondaı-aq atalmysh basylymǵa suhbat bergen Qazaqstan Jýrnalıster odaǵynyń tóraǵasy Seıitqazy Mataevtyń aıtýynsha, Qazaqstan halqynyń 80 paıyzy jańalyqtardy televızııa arqyly kórip, aqparat alady. «Qazir «sandyq televızııaǵa kóshemiz» degen bastamalar kóterilip jatyr. Aqparat salasyna tehnıka jaǵyn jaqsy biletin azamattyń kelgenin eskersek, bul maqsatqa qol jetkizýge bolady. Degenmen televızııa salasynda birshama túıtkildi máseleler bar. Mysaly, qazir Reseı telearnalarynyń elimizdiń tolyqtaı basyp almaýyn oılasaq, aımaqtyq telearnalar saqtalyp qalýy tıis. Sonymen qatar Reseı aımaǵyna habar taratý úshin elimizde jaqsy, sapaly spýtnıktik arnalar bolýy kerek. Buǵan qosa kabeldi televızııa ókilderiniń aldyna til máselesin tótesinen qoıý kerek. Eldegi televızııa, aqparat taratý máselesine baılanysty ózekti máselelerden habardar bolǵyńyz kelse, «Aıqyn aptanyń» búgingi sanyndaǵy «Televızııanyń damýy zańǵa tirelip tur ma?» atty maqalany qarańyz.

***

«Alash aınasy» basylymynyń habarlaýynsha, otandyq aýyl sharýashylyǵy salasynyń 20 paıyzy bankrottyq aldynda tur.

Bul -207 myń sharýa degen sóz. Buǵan basty sebep - bıylǵy aýa raıynyń qolaısyzdyǵy. Sol sebepti aqshaǵa qol jetkize almaı otyrǵan sharýalar nesıelerin ýaqytynda tóleı almaı jatyr. Al bank «olardyń jyljıtyn jáne jyljymaıtyn barlyq múlkin tárkileımiz» dep málimdeýde. Osyndaı sharasyz kúıge túsken sharýalar búginderi kimnen kómek suraryn bilmeı dal. Bul týraly basylymnyń búgingi sanyndaǵy «Sharýaǵa tabıǵattyń qýańdyǵynan banktiń «jýandyǵy» aýyr tıip tur» atty maqaladan bilesizder.

Sondaı -aq osy basylym «Elimizdegi azyq-túlik óndirisin halal standarttaryna túgeldeı kóshirý durys bola ma?» degen taqyryppen osy máselege baılanysty túrli sala mamandarynyń pikirlerin jarııalapty. Qazaqstan musylmandarynyń dinı basqarmasy janyndaǵy Islam bilimin jetildirý ınstıtýty fılıaly dırektorynyń pikirinshe, elimiz halal standartyna kóship jatyr. Onyń paıdasy elimiz úshin óte zor. Bul - zerttelgen másele. Sondyqtan halal standartyna kóshý talas týdyrmaýy tıis másele. Onyń ústine halaldy musylmandar ǵana emes, batys elderi de qoldap otyr. Al Qazaqstannyń alkogol ónimderin óndirýshiler qaýymdastyǵynyń prezıdenti Ámirjan Qalıevtiń pikirinshe, kópultty, kópdindi elde birjaqty sheshim qabyldaýǵa bolmaıdy. Sondyqtan halalǵa kóshý máselesinde asyqpaǵan jón.

***

«Mektep ózimizdiń bilim berý dástúrlerimiz ben mentalıtetimizge negizdelgen konservatızm nyshandaryn aqıqat bolmys aǵymynan týyndap jatqan ózgeristerge ushtastyra bilýi tıis. Bul qajetti qural-jabdyqtardy talap etetini sózsiz. Solardyń eń mańyzdysy -

oqýlyq. Olardy sapalyq turǵydan jetildirip, oqý úderisine shyǵarmashylyqpen jeteleý múmkindigin keńeıte túsý máselesi áńgimeniń ózegi bolýy tıis. Biraq oqýlyqtar, ásirese olardyń jańa legi syn kótermeıdi», dedi Astana ákimi Imanǵalı Tasmaǵambetov pedagog mamandardyń dástúrli Tamyz keńesinde. Elorda ákimi kótergen máseleler tóńireginde «Astana aqshamy» basylymynyń búgingi sanyndaǵy «Balalarymyzdy bolashaqtyń áleminde tárbıeleýge tıispiz» atty maqalada.

***

«Nur Astana» basylymynyń habarlaýynsha, elimizde memlekettik qyzmettiń jańa úlgisiniń tujyrymdamasy jasaldy. Memlekettik organdarǵa qyzmetkerler Memlekettik qyzmet jónindegi agenttiginiń maquldaýynan soń ǵana alynady. ıAǵnı, agenttik laýazymǵa sáıkes keletin azamattardy ózi tańdaıdy. Memlekettik organdar naqty bir tulǵany suratýǵa quqy joq. Bul másele jóninde basylymnyń búgingi sanyndaǵy «Memlekettik qyzmetkerdi agenttik usynady» atty materıalda.

***

«Keshe elordada ótken Energetıkterdiń VI respýblıkalyq májilisinde tarıftik saıasat pen baǵanyń qalyptasý máseleleri talqylandy. Jıynda sóz sóılegen Premer-Mınıstrdiń orynbasary, Indýstrııa jáne jańa tehnologııalar mınıstri Áset Isekeshovtyń aıtýynsha, elektrenergetıka salasy memleket ekonomıkasynyń barlyq salalaryn qamtıdy. Al atalmysh salanyń jaǵdaıy údetilgen ındýstrıaldy-ınnovatsııalyq baǵdarlamanyń júzege asyrylýymen tikeleı baılanysty. Qazirgi tańda 5 jyldyq baǵdarlama talqylaný ústinde. Ol qyrkúıek aıynda úkimettiń nazaryna usynylady. Atalmysh máselege baılanysty qazir «Atom energııasyn paıdalaný týraly» zań jobasy Májiliske engizilip, «Energııaúnemdeý týraly» zań jobasynyń tujyrymdamasy jasaldy», deıdi Á.Isekeshov. Bul týraly «Kazahstanskaıa pravda» basylymyndaǵy «Plıýs garantırovan. Energetıkı obsýdılı nabolevshıe problemy» atty maqalada.

***

«Lıter» basylymynyń habarlaýynsha, qurǵaqshylyqtyń astyq óndirýshiler úshin qolaıly bolyp turǵan jaıy bar. Sebebi ótken jyly Aýyl sharýashylyǵy mınıstrligi josparlaǵan 19 mıllıon tonna astyq óndiriletin bolsa, ony saqtaý máselesi problema týdyratyn edi. Óıtkeni elevatorlarda syrtqa shyǵarýǵa arnalǵan astyq áli jatyr. Onyń ústine túrli sebepter boıynsha satylmaı qalǵan 6 mıllıon tonna astyq taǵy bar. Sondyqtan bizdiń bıylǵy jylǵy astyqty eksporttaý áleýetimiz 8-9 mıllıon tonnany quraıdy. Bul jaqsy kórsetkish. Al Reseıdiń óz elinen astyq eksporttaýǵa tyıym salýy

ózge elderge ónimderin ótkizýge qajetti jańa naryqqa esik ashyp, jańa múmkindikter jasaıdy. Bul týraly «Lıterdiń» búgingi sanyndaǵy «Spasıtelnaıa zasýha» atty maqalada.