Otandyq áskerı qyzmetshiler erkin kúresten álem chempıonatynda ekinshi oryn aldy
ASTANA. QazAqparat - Makedonııa astanasy Skope qalasynda áskerı qyzmetshiler arasynda 31-shi Álem chempıonaty ótti, oǵan barlyǵy 34 eldiń áskerı qyzmetshisi qatysady.
QR Qorǵanys mınıstrliginiń baspasóz qyzmetinen málim etkendeı, efreıtor Eldos Ábikenov chempıonattyń qola júldegeri atandy. Sheshýshi kezdesýde 61 keli salmaqtaǵy qazaqstandyq áskerı qyzmetshi 8:6 esebimen ázirbaıjandyq Hasan Zadty oısyrata jeńdi.
86 keli salmaqtaǵy kishi serjant Ádilet Davlýmbaev chempıonattyń kúmis júldegeri atandy. Fınalda ol Shámil Qudııamagomedovten jeńilip qaldy.
Sondaı-aq, Álıhan Jumaev ta kúmis medalǵa qol jektizdi. 97 keli salmaqta sheshýshi kezeńde qazaqstandyq palýan reseılik Abdýsalam Gadısovtan jeńilip qaldy.
74 keli salmaqtaǵy AOSK sporttyq rotasynyń qatardaǵy jaýyngeri Nurǵalı Jolaev reseılik sportshydan jeńilis tapty.
Erkin kúresten saıys qorytyndysy boıynsha, Qazaqstan armııashylary jalpykomandalyq ekinshi oryndy ıelendi. Birinshi oryndy Reseı Federatsııasynyń quramasy qanjyǵalasa, úshinshi orynǵa Ońtústik Koreıa taban tiredi.
Jaqyn aradaǵy eki kúnde Makedonııada grek-rım kúresinen qyzý tartys ótedi. Onda sportshylarymyz jeti salmaqtyq dárejede usynylǵan.
