Otandyq akkýmýlıatorlar jańa eksporttyq naryqqa shyǵaryldy

NUR-SULTAN. QazAqparat – Otandyq akkýmýlıatorlar jańa eksporttyq naryqqa shyǵaryldy. Bul týraly búgin Úkimet otyrysynda Indýstrııalandyrý kartasy máseleleri boıynsha baıandaǵan QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Elektrotehnıkalyq mashına jasaý sektorynda aıtarlyqtaı ózgeris boldy. Bıyl otandyq akkýmýlıatorlar jańa eksporttyq naryqqa – Birikken Arab Ámirlikterine shyqty. Al ishki qajettilik 65 paıyzǵa qamtylady. Biz sondaı-aq, túrli salalardaǵy el naryǵynyń 65 paıyzyn kabeldik ónimdermen qamtımyz. Kabeldik-ótkizgish ónim metallýrgııa salasynyń 5-shi qaıta jasalýy bola otyryp, metaldardy tereń óńdeýdi jáne joǵary qaıta bólý ónimderin óndirýdi qamtamasyz etetinin atap ótý qajet», - dedi mınıstr.

Onyń aıtýynsha, oǵan qol jetkizý qajettiligin Memleket basshysy osy jylǵy 1 qyrkúıekte Joldaýynda aıtqan.

«Transformatorlarǵa qajettilik 85 paıyzǵa jabylady. Petropavl qalasynda 5-shi transformator zaýyty iske qosylǵan kezde jylyna taǵy 10 myń transformator óndirisin qamtamasyz etemiz. Bul transformatorlar boıynsha qajettiliktiń barlyq jelisin jabýǵa múmkindik beredi. Іshki naryqty ólsheý jabdyqtarymen 85 paıyzǵa qamtamasyz etetin bolamyz», - dedi Beıbit Atamqulov.