Otandyq ýnıversıtetterdiń álemdik reıtıngisi joǵarylady
ASTANA. KAZINFORM – Ǵylym jáne joǵary bilim mınıstri Saıasat Nurbek Qazaqstandaǵy JOO-lar álemdik reıtıngide jaqsy nátıjege jetkenin aıtty.
- Birneshe strategııalyq sheshimderimiz birden bilim, zertteýlerdiń sapasynda jáne halyqaralyq reıtıngterde qazaqstandyq ýnıversıtetterdiń ósýine ákeldi dep aıtýǵa bolady. Bul óz-ózimizdi maqtaǵanymyz emes, ıaǵnı obektıvti eki negizgi akademııalyq reıtıngtiń nátıjeleri. Mysaly, bıyl jarııalanǵan QS WUR 2026 reıtıngine 18 qazaqstandyq ýnıversıtet endi. Al THE WUR 2027 — bul odan da kúrdeli. Osy reıtıngige 10 joǵary oqý orny endi, - dedi S. Nurbek Ortalyq kommýnıkatsııalar qyzmetindegi baspasóz máslıhatynda.
Sonymen qatar mınıstr Nazarbayev University TMD elderi joǵary oqý oryndary arasynda birinshi oryn alǵanyn aıtty.
- Al QS Asia-da reıtıngisine 51 ýnıversıtetimiz kirdi. Bul — tarıhı rekord. Onyń ishinde úsh ýnıversıtetimiz: Eýrazııa ulttyq ýnıversıteti, Sátbaev ýnıversıteti, ál-Farabı ýnıversıteti top-júzdikke endi. Bul — 20-30 jyldyń ishinde eń myqty nátıjemiz. Bizdiń óńirde osy reıtınge eń kóp oryndy qazaqstandyq ýnıversıtetter aldy. 51 ýnıversıtetimiz kirip otyr, - dedi vedomstvo basshysy.
Buǵan deıin habarlanǵandaı, keıingi 7 jylda Qazaqstanda 655 myńnan astam grant berildi.
