Otandyq traktorlar men kombaındardyń sanyn kóbeıtý qajet – Prezıdent
ASTANA. KAZINFORM — Qazaqstan halqyna Joldaýyn jarııalaý kezinde Prezıdent Qasym-Jomart Toqaev taǵam ónerkásibindegi jobalardy júzege asyrý jáne aýyl sharýashylyǵy salasyn tehnologııalyq turǵydan jańǵyrtý jóninde málimdedi.
– «Báıterek» holdıngi taǵam ónerkásibi salasynda jalpy quny 500 mıllıard teńgeden asatyn áleýeti zor jobalar tizimin daıyndady. Sonyń bárin tabysty júzege asyrý úshin qoljetimdi ári jeńildetilgen sharttarmen qarjy bólý máselesin sozbalańǵa salmaı, sapaly jobalardy dereý iske asyrý kerek – dedi ol.
Sonymen qatar Memleket basshysynyń sózinshe, aýyl sharýashylyǵy salasyn tehnologııalyq turǵydan jańǵyrtýdyń sáti keldi.
– Elimizde shyǵarylatyn tehnologııalyq turǵydan sapasy joǵary traktorlar men kombaındardyń sanyn kóbeıtý qajet. Bul – ózekti másele. Osylaısha, biz aýyl sharýashylyǵy óndirisiniń tıimdiligin arttyra túsemiz, – dedi ol.
Aıta keteıik, buǵan deıin Prezıdent strategııalyq mindetterdi sheshýge kásipkerlerdi tartý jóninde málimdedi.
