Otandyq tóreshiler ÝEFA Konferentsııa lıgasynyń matchtaryna taǵaıyndaldy
ASTANA.KAZINFORM - Qazaqstandyq tóreshiler ÝEFA Konferentsııa lıgasynyń 2026/2027 jylǵy maýsymyndaǵy birinshi irikteý kezeńiniń matchtaryna taǵaıyndaý aldy. Bul týraly Fýtbol federatsııasy habarlady.
Belarýstiń BATE jáne Albanııanyń «Elbasanı» klýbtary arasyndaǵy 16 shildede Ázerbaıjannyń Sýmgaıt qalasynda ótetin kezdesýge otandyq tóreshiler brıgadasy qyzmet etedi.
Matchtyń bas tóreshisi Danııar Sahı bolady. Oǵan kómekshiler Sergeı Vasıýtın men Samat Tergeýsizov kómektesedi, al qosalqy tóreshi qyzmetin Georgıı Chehovskıı atqarady.
Sonymen qatar QFF Tórelik etý jáne qadaǵalaý departamentiniń dırektory Nýný Kashtrý Chernogorııanyń «Dechıch» jáne Latvııanyń «Lıepaıa» komandalary arasyndaǵy matchqa ınspektor bolyp taǵaıyndaldy.
Konferentsııa lıgasynyń birinshi irikteý kezeńi aıasyndaǵy bul kezdesý 15 shildede Chernogorııanyń Týzı qalasyndaǵy stadıonda ótedi.
Aıta keteıik, fýtboldan 2026 jylǵy álem chempıonatynyń jartylaı fınalyndaǵy Frantsııa — Ispanııa kezdesýiniń nátıjesi belgili boldy.
