Otandyq tóreshiler ÝEFA Konferentsııa lıgasynyń matchyna taǵaıyndaldy
ASTANA. KAZINFORM – Qazaqstandyq tóreshiler ÝEFA Konferentsııa lıgasynyń 2026/2027 jylǵy maýsymyndaǵy ekinshi kvalıfıkatsııalyq kezeńiniń «Lýdogorets» pen «Hapoel Tel-Avıv» arasyndaǵy qarymta kezdesýine taǵaıyndaldy. Bul týraly Fýtbol federatsııasy habarlady.
Bolgarııanyń «Lýdogorets» jáne Izraıldiń «Hapoel Tel-Avıv» klýbtary arasynda 30 shildede Razgrad qalasynda ótetin qarymta oıynǵa otandyq tóreshiler brıgadasy qyzmet etedi.
Kezdesýdiń bas tóreshisi bolyp Saıat Qarabaev taǵaıyndaldy. Oǵan assıstentter Alekseı Dolgıh pen Sergeı Kalachev kómektesedi, al qosalqy tóreshi mindetin Georgıı Chehovskıı atqarady.
Komandalar arasyndaǵy alǵashqy oıyn ızraıldikterdiń paıdasyna 2:0 esebimen aıaqtaldy.
Budan bólek, QFF Tórelik etý jáne qadaǵalaý departamentiniń dırektory Nýný Kashtrý amsterdamdyq «Aıaks» pen serbııalyq «Voıvodına» arasyndaǵy matchqa ınspektor bolyp taǵaıyndaldy.
Ekinshi irikteý raýndynyń qarymta kezdesýi 30 shildede Amsterdam qalasyndaǵy (Nıderland) «Iohan Kroıf Arena» stadıonynda ótedi.
Aıta keteıik, Túrkistan arena ÝEFA týrnırleri aıasynda alǵashqy resmı matchyn qabyldady.
