Otandyq tennısshilerdiń Aýstralııa ashyq chempıonatyndaǵy qarsylastary anyqtaldy

ASTANA. KAZINFORM — Melbýrn qalasynda tennısten Aýstralııa ashyq chempıonatynyń jerebesi tartyldy.

Qazaqstannyń birinshi, álemniń 6-raketkasy Elena Rybakına alǵashqy aınalymda osy «Úlken dýlyǵa» týrnırine arnaıy shaqyrtý alǵan 16 jastaǵy aýstralııalyq, reıtıngide 371-orynda turǵan Emerson Djonspen synǵa túsedi.

Bul olardyń ózara birinshi kezdesýi bolmaq. 

Álemniń 25-raketkasy ıÝlııa Pýtıntsevaǵa reıtıngide 44-satydaǵy armenııalyq Elına Avanesıan qarsylas atandy. 

2023 jyly qyrkúıekte Beıjiń jarysynyń irikteý saıysynda ıÝ.Pýtıntseva E.Avanesıandy 6:1, 6:4 esebimen utqan. 

Qazaqstannyń erler arasynda birinshi, álemniń 33-raketkasy Aleksandr Býblık reıtıngide ózinen eki saty joǵary turǵan argentınalyq Fransısko Serýndolomen oınaıdy. Bul ekeýiniń buryn bir-birimen joldary toqaılaspaǵan.

Reıtıngide 72-oryndaǵy Aleksandr Shevchenko álemniń 3-raketkasy, ıspanııalyq Karlos Alkarasqa tap boldy.

Mıhaıl Kýkýshkın, Dmıtrıı Popko jáne Tımofeı Skatov irikteý saıystarynan óte almady.

Elena Rybakına 2023 jyly fınalǵa deıin jetip, onda Belarýs ókili Arına Sobolenkoǵa jol bergen bolatyn. Al ótken jyly ekinshi aınalymda kútpegen jerden reseılik Anna Blınkovadan utylyp qaldy.

Eske sala keteıik, budan buryn ıÝlııa Pýtıntsevanyń Adelaıdada álemniń eks 2-raektkasyn qapy qaldyrǵanyn jazǵan bolatynbyz.