Otandyq taýar óndirýshiler úshin jańa talap: satyp alýlar tek OTÓ reestri arqyly júzege aspaq

ASTANA. KAZINFORM — 2026 jyldyń 1 qańtarynan bastap elimizde otandyq taýar óndirýshiler Reestri (OTÓ reestri) iske qosylady. Bul – otandyq bıznestiń retteletin satyp alýlarǵa jáne memlekettik qoldaýdyń maqsatty sharalaryna qol jetkizýi úshin mindetti quralǵa aınalatyn tsıfrlyq platforma. 

«Ónerkásiptik saıasat týraly» zańǵa engizilgen túzetýlerge sáıkes, prıorıtetti negizde satyp alýlarǵa qatysý jáne memlekettik qoldaý alý tek osy Reestrge engen kompanııalarǵa ǵana múmkin bolmaq.

Satyp alýlarǵa jáne memlekettik qoldaýǵa qol jetkizý sharttary:

Negizgi shart – Qazaqstan terrıtorııasynda naqty óndirisi rastalǵan bolýy tıis.

Tizilimde tirkelý úshin ETsQ arqyly qol qoıylǵan ótinimdi berý, óndiristi tekserýden jáne baǵalaýdan ótý qajet. Tirkeý e-ondiris.gov.kz platformasy arqyly onlaın rejıminde júzege asyrylady.

Málimetterdiń bir bóligi memlekettik derekter bazasynan avtomatty túrde júkteledi, jetispeıtin qujattardy ótinish berýshi ózi júkteıdi. Júıe «tsıfrlyq izder» boıynsha tsıfrlyq verıfıkatsııa júrgizedi, ıaǵnı óndiristik alańdardy, jabdyqtardy, ruqsat berý qujattaryn, jetkizý tizbegin, sondaı-aq elektrondyq shot-faktýralar men kedendik statıstıka derekterin taldaıdy.

Syrtqy ekonomıkalyq qyzmettiń taýar nomenklatýrasynyń árbir kody boıynsha (barlyǵy 3 371 taýar toby) tehnologııalyq operatsııalarǵa jáne oqshaýlaýdyń eń tómengi deńgeıine qoıylatyn talaptar belgilengen.

Tizilimge engizilgennen keıin qatysýshy mártebesin saqtaý úshin monıtorıng kózdelgen.

Aıta keteıik, buǵan deıin óndirýshilerge arnalǵan jańa tsıfrlyq platforma iske qosylǵanyn jazdyq.