Otandyq taýar óndirýshiler tizimi: jalǵan óndirýshiler engizilmeıdi

ASTANA. KAZINFORM — Memlekettik organdardyń aqparattyq júıecin biriktirý arqyly tsıfrlyq sheshimder negizinde otandyq taýar óndirýshilerdiń biryńǵaı tizilimi jasalyp jatyr. Tolyǵyraq Úkimet basshysy Oljas Bektenov toqtaldy.

— Otandyq óndiristiń damýy — ekonomıkalyq ósimniń negizi. Memleket basshysy atalǵan baǵyttyń mańyzdylyǵyna erekshe mán berip keledi. Úkimet qazaqstandyq taýar óndirýshiler básekege qabiletti bolýy úshin olardyń óndiristik júktemesin arttyrýǵa baǵyttalǵan elshilik qundylyqtardy damytý tetikterin iske qosyp jatyr. Qabyldanǵan sharalardyń nátıjesinde ótken jyldan bastap óńdeýshi sektor ónim shyǵarý kólemi jaǵynan taý-ken salasyn basyp ozdy, — dedi Oljas Bektenov Úkimet otyrysynda.

Osy oraıda Premer-mınıstr osy qarqyndy údete túsý kerektigin aıtty. 

— Memlekettik organdardyń aqparattyq júıecin biriktirý arqyly tsıfrlyq sheshimder negizinde otandyq taýar óndirýshilerdiń biryńǵaı tizilimi jasalyp jatyr. Adal óndirýshiler oǵan avtomatty túrde qosylady. Al, «jalǵan óndirýshiler» tizilimge ene almaıdy. Jańadan ótinish berýshiler qarapaıym ótinishtiń jáne avtomatty tsıfrlyq tekserý negizinde eshqandaı bıýrokratııasyz qosyla alady. Sarapshylardy shaqyrý men basy artyq tekserýlerden ótýdiń jáne kóp qaǵaz toltyrýdyń qajeti bolmaıdy. Barlyǵy tsıfrlyq rejımde, adamnyń qatysýynsyz júrgiziledi, osyny basa aıtqym keledi. Bul sapaly baqylaýdy qamtamasyz etip, mindetin adal atqarmaıtyn taýar óndirýshilerdi anyqtaýǵa múmkindik beredi, — deıdi ol.

Buǵan deıin Úkimet basshysy qazirgi júıe sertıfıkatty jalǵan óndirýshilerge berýge jol berip otyrǵanyn aıtyp synady.