Otandyq sportshy Islam yntymaqtastyǵy oıyndarynda altyn júlde aldy

ASTANA. KAZINFORM — Karateden Qazaqstan quramasynyń ókili Nıkıta Tarnakın Er-Rııadtaǵy (Saýd Arabııasy) Islam yntymaqtastyǵy oıyndarynyń jeńimpazy atandy. Bul týraly Ulttyq Olımpıada komıteti habarlady.

Qazaqstandyq karateshi 84 kelige deıingi salmaqta el namysyn qorǵady.

Otandasymyz aqtyq synda Iordanııa sportshysy Mýhammed Adjafarımen kezdesti.

Nátıjesinde Tarnakın sheshýshi jekpe-jekte 8:3 esebimen jeńiske jetti. 

Budan buryn Qazaqstannyń ústel tennısinen erler quramasy Islam oıyndarynyń chempıony atanǵanyn jazǵan edik.