Otandyq shabandozdar búgin qos jarystyń jeńimpazy atandy
ASTANA. KAZINFORM — Astanada konkýrdan halyqaralyq FEI Jumping World Cup™ Eurasian League Final (CSI1-W LF Astana 2026) týrnıriniń kezekti jarys kúni aıaqtaldy.
Eýrazııanyń úzdik shabandozdary baq synap jatqan bedeldi dodada Qazaqstan quramasynyń sportshylary joǵary sheberlik tanytyp, eki marshrýt boıynsha jeńis tuǵyrynyń eń bıik satysyna kóterildi.
21 qarashadaǵy jarys baǵdarlamasy aıasynda sportshylar 140 sm jáne 130 sm bıiktiktegi kedergilerden ótý boıynsha ózara myqtyny anyqtady.
Kúnniń eń kúrdeli baǵdarlamasynda qazaqstandyq shabandoz Raısa Sokolenko URAN — NAD WIGRAMI esimdi sáıgúligimen esh qateliksiz óner kórsetip, 1-oryndy jeńip aldy. Ekinshi oryn Qyrǵyzstan ókili Rınat Galımovke buıyrsa, úzdik úshtikti ózbekstandyq Bekzod Kýrbanov túıindedi.
№ 5 jarys qorytyndysy (140 sm):
- 1-oryn: Raısa Sokolenko — URAN — NAD WIGRAMI (Qazaqstan);
- 2-oryn: Rınat Galımov — KIRA VAN DE LAREN Z (Qyrǵyzstan);
- 3-oryn: Bekzod Kýrbanov — SANTOS HIPPICA (Ózbekstan);
- 4-oryn: Aıan Ǵanı — MOOS (Qazaqstan);
- 5-oryn: Nurıla Turysbekova — JOURNEY (Qazaqstan).
Ekinshi marshrýtta da Qazaqstan týy jelbiredi. SHENANIGAN tulparyn tizgindegen Oleg Sokolenko qarsylastarynan oq boıy ozyp, jeńimpaz atandy. Qyrǵyzstandyq shabandozdar Igor Kozýbaev pen Rınat Galımov sáıkesinshe ekinshi jáne úshinshi oryndarǵa turaqtady.
№ 6 jarys qorytyndysy (130 sm):
- 1-oryn: Oleg Sokolenko — SHENANIGAN (Qazaqstan);
- 2-oryn: Igor Kozýbaev — D’ARTAGNAN Z (Qyrǵyzstan);
- 3-oryn: Rınat Galımov — ENRIQUE PKZ (Qyrǵyzstan);
- 4-oryn: Nurıla Turysbekova — ONS KIND (Qazaqstan);
- 5-oryn: Islam Islamov — CORVETTE SK (Qazaqstan).
Aıta keteıik, Astanada ótip jatqan FEI Jumping World Cup™ Eýrazııa lıgasynyń fınaldyq kezeńi — óńirdegi eń iri halyqaralyq týrnırlerdiń biri. Jarys qorytyndysy boıynsha Álem kýbogynyń sýperfınalyna joldama alatyn úzdik sportshylar anyqtalady.
Eske salaıyq, buǵan deıin Astanada tuńǵysh ret konkýrdan Álem kýbogy Eýrazııa lıgasynyń fınaly ótip jatqanyn jazǵanbyz.