Otandyq selektsııaǵa serpin: jańa arpa sorty ázirlenip, vırýssyz kóshet óndirisi damyp jatyr

Agrarlyq ǵylymnyń praktıkalyq baǵyty, ásirese, otandyq selektsııa men tuqym sharýashylyǵyn damytý salasynda baıqalady. 2026 jyly selektsııa men tuqym sharýashylyǵyn damytýdyń 2028 jylǵa deıingi keshendi josparyn júzege asyrý jalǵasyp jatyr. Sortty jasap shyǵarý men memleket tarapynan sortty synaýdan bastap tuqym óndirýge, ony keńinen jolǵa qoıýǵa jáne sharýashylyqtarǵa engizýge deıingi dáıekti tizbek qalyptasyp otyr.

Bıylǵy nátıjeleriniń biri retinde topyraqtyń qurǵap, sortańdanyp ketýine tózimdi jazdyq «Batyrhan» arpasynyń jańa sorty jasap shyǵarylǵanyn atap ótýge bolady. Sort memleket tarapynan júrgiziletin sortty synaýdyń odan arǵy protsedýralarynan ótý úshin daıyndalǵan. Vırýsy joq egý materıalynyń óndirisi de damýda. Naýryz aıynda Qazaq jemis-kókónis sharýashylyǵy ǴZI men Ońtústik Koreıanyń VITROSYS INCORPORATION kompanııasy in vitro tehnologııalaryn qoldana otyryp, tuqymdyq kartop óndirý júıesin qurý boıynsha yntymaqtastyq týraly memorandýmǵa qol qoıdy.

Almaty oblysynda da alma aǵashynyń vırýsy joq tamyr sabaqtaryn ósirý úshin baza qurylyp jatyr. Sáýir aıynda Nıderlandydan 7 myńnan astam tamyr sabaǵy jetkizildi, sonymen birge elimizdiń ishinde de in vitro ádisimen egý materıalynyń óndirisi damytylýda. Otandyq «Aport» sortyn qalpyna keltirý jumystary jalǵasyp jatyr. Vırýsy joq genetıkalyq materıaldar qalyptasýda, úlgilerdi molekýlalyq-genetıkalyq sáıkestendirý júrgizilýde jáne in vitro ósimdikterdi kóbeıtý tehnologııasy damyp jatyr.

Aıta ketelik 69 jastaǵy baǵban Atyraýda 550 túp alma aǵashyn ósirgen.