Otandyq para veloshabandozdar Azııa oıyndarynda eki altyn jeńip aldy
ASTANA. KAZINFORM — 21 qazanda Japonııada ótip jatqan V Azııa Para oıyndarynda Qazaqstan ulttyq quramasynyń sportshylary para velosporttan úsh medal jeńip aldy, dep habarlaıdy Dene múmkindikteri shekteýli tulǵalarǵa arnalǵan sporttyq daıarlaý ortalyǵy.
El qorjyny eki altyn jáne bir kúmis júldemen tolyqty.
Erler arasynda B klasynda 20 shaqyrymdyq jeke ýaqytqa jarysýda Naıl Ermuhanbet pen onyń pıloty Rýslan Alıev 34 mınýt 09,17 sekýnd nátıjemen birinshi oryn alyp, Azııa Para oıyndarynyń chempıony atandy.
Osy jarysta Kırıll Ilıýkevıch pen onyń pıloty Gleb Brýsenskıı 35 mınýt 26,64 sekýnd nátıjemen kúmis medal jeńip aldy.
Áıelder arasynda B klasynda ótken jeke ýaqytqa jarysýda qazaqstandyq A. Kalaýs pen onyń pıloty P. Bratchıkova altyn medal ıelendi. Qazaqstandyq ekıpaj 32 mınýt 21,54 sekýnd nátıjemen márege birinshi bolyp jetti.
Ekinshi oryndy Ózbekstan sportshylary 32 mınýt 45,82 sekýnd nátıjemen ıelense, Sıngapýr ókilderi 34 mınýt 31,92 sekýnd kórsetkishpen qola júldeger atandy.
Osylaısha, Qazaqstan quramasy para velosporttan úsh júlde jeńip alyp, V Azııa Para oıyndaryndaǵy medaldar sanyn arttyrdy.
