Otandyq óńdeý ónerkásibi eksporty segiz aıda 17,8 mlrd dollarǵa jetti

ASTANA. KAZINFORM – Bıyl 8 aıdyń qorytyndysy boıynsha elimizdiń JІÓ-degi óńdeý ónerkásibiniń úlesi 12,7% nemese 8,6 trln teńgege jetken. Tolyǵyraq Ónerkásip jáne qurylys vıtse-mınıstri Oljas Saparbekov aıtyp berdi.

«Bıyl 8 aıdyń qorytyndysy boıynsha óńdeý ónerkásibi elimizdiń JІÓ-ne qosqan úlesi 12,7% nemese 8,6 trln teńgeni qurady. Segiz aıdyń ishinde syrtqy saýda kórsetkishteri boıynsha óńdelgen taýarlar eksportynda da oń ózgerister baıqaldy. Óńdeý ónerkásibi taýarlary eksporty 6,4%-ǵa artyp, 17,8 mlrd dollardy qurady (ótken jyly 8 aıda 116,7 mlrd). Eksportqa baǵyttalǵan negizgi taýarlar qatarynda ónerkásiptik sorǵylar ($27,1 mln), kabeldik ónimder ($4 47,7 mln), tirkemeler men jartylaı tirkemeler ($2 27,4 mln), armatýra ($136,5 mln) bar. Óńdeý ónerkásibi taýarlaryn ımporttaý boıynsha kerisinshe, (7,2%) tómendeý baıqalady», - dedi Oljas Saparbekov ortalyq kommýnıkatsııalar qyzmeti alańynda ótken baspasóz máslıhatynda. 

Odan bólek, vıtse-mınıstr jeńil ónerkásip salasyna toqtaldy. 

«Qyrkúıek aıynda Atyraý qalasynda qýaty jylyna 15 mln sharshy metr toqyma emes polıefırli geotekstıl óndirisi iske qosyldy. Bul ónimdi avtojoldar qurylysynda, ǵımarattardyń irgetasyn nyǵaıtý, drenaj júıelerin salý úshin paıdalanýǵa bolady. Qara metallýrgııada shybyq men armatýralar jasaýdyń rekordtyq shyǵarylymy tirkeldi – 704 myń tonna, 17,5%-ǵa artyq. Saran qalasynda avtomobıl shınalarynyń óndirisi jolǵa qoıylǵan», - deıdi mınıstrdiń orynbasary. 

Buǵan deıin habarlaǵanymyzdaı elimizde júk vagondaryn shyǵarý alty ese ulǵaıǵan.