Otandyq «No Good In Sight: A Story» fılmi Shanhaı halyqaralyq kınofestıvalinde kórsetiledi
ASTANA. KAZINFORM — Rejısser Álibı Muqyshevtiń «No Good In Sight: A Story» fılmi 28-shi Shanhaı halyqaralyq kınofestıvalinde kórsetiledi.
Fılm alǵash ret 16 shildede Shanhaıda kórermen nazaryna usynylyp, Qazaqstannyń atyn Azııadaǵy bedeldi kınofestıvalderdiń birinde tanytpaq.
«No Good In Sight: A Story» («Esh jaqsylyǵy joq oqıǵa») – Álibı Muqyshevtiń tuńǵysh tolyqmetrajdy fılmi. Týyndynyń túsirilimi 2023 jyly bastalǵan.
Fılmniń stsenarıı avtory ári rejısseri – K.Báıseıitova atyndaǵy Qazaq ulttyq óner ýnıversıtetiniń oqytýshysy Álibı Muqyshev. Túsirilimge atalmysh joǵary oqý ornynyń 70-ke jýyq stýdenti de qatysty.
Týyndy áke men bala arasyndaǵy qarym-qatynas ıdeıasy tóńireginde órbıdi. Keıipkerler taǵdyry arqyly otbasynyń adam ómirindegi orny, ótkenniń izi men ómirlik tájirıbeniń tulǵa bolmysyna áseri kórkem túrde beınelenedi. Fılm jalǵyzdyq, saǵynysh, jaýapkershilik pen ar taqyryptaryn qozǵaı otyryp, adam janynyń tereń qatparlaryna úńiledi. Sondaı-aq kórermendi otbasynyń qadiri, taǵdyr tańdaýy jáne jan tynyshtyǵyn tabýdyń mańyzy týraly oıǵa jeteleıdi.
Aıta keteıik, 1993 jyldan beri uıymdastyrylyp kele jatqan Shanhaı halyqaralyq kınofestıvali – Halyqaralyq kınoprodıýserler qaýymdastyqtary federatsııasy (FIAPF) «A» sanatyna akkredıttegen Qytaıdaǵy alǵashqy kınofestıval.
Aıta ketelik «Qaitadan» halyqaralyq kınofestıvalde Ortalyq Azııanyń úzdik fılmi atandy.
