Otandyq munaı-gaz ónerkásibi zamanaýı úrdisterge saı bolýy kerek – Toqaev
ASTANA. KAZINFORM – Prezıdent otandyq munaı-gaz kesheniniń aldynda tehnologııalyq jańǵyrý, atap aıtqanda, jasandy ıntellektini engizý mindeti turǵanyn jetkizdi. Bul týraly Aqordanyń baspasóz qyzmeti habarlady.
– Zamanaýı tehnologııalar munaı jáne munaı ónimderin óndirý, tasymaldaý jáne qaıta óńdeý isin ońtaılandyrýǵa yqpal etýi tıis. Otandyq munaı-gaz ónerkásibi zamanaýı úrdisterge saı bolýy kerek. Sondyqtan osy salaǵa taza jáne ozyq tehnologııalardy engizý óte mańyzdy. Geologııalyq barlaý jumystaryn kúsheıtip, jańa ken oryndaryn ashýǵa basa mán bergen jón. Buǵan qosa osy salaǵa bilimdi, jas kadrlardy tartyp, adam áleýetin barynsha arttyrý . Sebebi jahandyq básekege qabiletti bolý úshin bizge, eń aldymen, bilikti mamandar kerek. Bilim baǵdarlamasyn jetildirip, zertteý ortalyqtaryn damytqan abzal. Osy mindetterdi sapaly oryndasaq, Ádiletti, Qýatty, Taza jáne Ozyq Qazaqstannyń qalyptasýyna jol ashamyz, - dedi Qasym-Jomart Toqaev.
Eske sala keteıik, buǵan deıin Memleket basshysy munaı-gaz salasynyń qyzmetkerlerin kásibı merekesimen quttyqtaǵanyn jazǵan edik.