Otandyq mashına jasaý salasy jınaqtap-qurastyrýdan ósip, jańa deńgeıge kóteriledi
ASTANA. KAZINFORM – Sektordyń barlyq basty baǵytynda oń dınamıka saqtalyp otyr. Onyń ishinde avtokólik, aýyl sharýashylyǵy, temirjol jáne elektrotehnıkalyq mashınalaryn jasaý belsendi damyp keledi. Bul jóninde QR Premer-mınıstri Oljas Bektenov Qazaqstan mashına jasaýshylarynyń XIII forýmynda málimdedi.
Endi mashına bólshekterin de elimizde jasaýǵa kúsh salynbaq.
– Lokalızatsııalaý deńgeıin arttyrý jáne joǵary qosylǵan quny bar ónimder shyǵarý memlekettiń buljymas basymdyǵy bolyp qala bermek. Qazirgi kezeńde jınaqtap-qurastyrýdan ózimizdiń ınjenerlik sheshimderdi ázirleýge jáne el ishinde joǵary tehnologııalyq aktıvterdi qurýǵa kóshý úderisin jedeldetý mańyzdy, – dedi O.Bektenov.
Aıta keteıik buǵan deıin mashına jasaý salasyna quıylǵan ınvestıtsııa kólemi artyp, 376 mlrd teńgege jetkenin jazǵanbyz.
Mashına jasaý salasyndaǵy ónimderdiń eksporty eki esege ulǵaıdy.
Mashına jasaý damyǵan elderde óńdeý ónerkásibiniń negizgi salasy bolyp esepteledi. Qazaqstandaǵy áleýet qandaı? Kazinform tilshisi sarapshylarmen birge eldegi ahýaldy zerdeledi.
