Otandyq qurylys materıaldarynyń úlesi qanshalyqty ósti
ASTANA. KAZINFORM – Qurylys salasy boıynsha otandyq ónimderdiń úlesi qandaı? Bul suraqqa Ónerkásip jáne qurylys mınıstrligi jaýap berdi.
- Qazaqstandaǵy qurylys materıaldary óndirisi osy salanyń turaqty damýyn qamtamasyz etip otyr jáne eldiń qurylys naryǵynyń qajettilikterin óteýde mańyzdy ról atqarady. Qazaqstanda keń aýqymdy qurylys materıaldaryn óndirýge qajet eleýli resýrs pen áleýet bar. Qazirgi kezde elimizde qurylys materıaldary óndirisinde otandyq taýarlardyń úlesi 70,2 paıyzdy qurady, - delingen mınıstrliktiń Kazinform agenttigine bergen jaýabynda.
Otandyq óndirýshiler ishki naryqty taýarly beton, temirbeton, qurǵaq qurylys qospalarymen, portlandtsement jáne gazoblok tárizdi negizgi materıaldarmen tolyqtaı qamtyp otyr.
- Búginde jalpy ónerkásip óndirisinde qurylys materıaldary 2,78 paıyzdy, al óńdeýshi ónerkásipte 5,77 paıyzdy qurady, - dep jazylǵan vedomstvo aqparatynda.
Eske salsaq, 2024 jyldyń qorytyndysy boıynsha otandyq qurylys materıaldarynyń úlesi 67 paıyzdy qurady.
Buǵan deıin shetelden jetkiziletin negizgi materıaldardyń arasynda mármár, travertın, alebastr, shlakty maqta, mıneraldy ári sılıkatty maqtalar bar ekenin jazǵan edik.