Otandyq kompanııa mamyrda Germanııaǵa qatynaıtyn jańa áýe marshrýtyn iske qosady

ASTANA. KAZINFORM – Kólik mınıstrligi turaqty negizde ushý geografııasyn keńeıtý jáne qoldanystaǵy marshrýttar boıynsha reıster sanyn arttyrý boıynsha jumys júrgizip jatyr. 

Bıylǵy jyldyń 27 mamyrynan bastap qazaqstandyq «SCAT» áýe kompanııasy Shymkent — Mıýnhen baǵyty boıynsha Germanııaǵa jańa baǵyt ashýdy josparǵa engizdi. 

Reıster aptasyna 3 ret (seısenbi, beısenbi jáne senbi kúnderi) oryndalady. Qazaqstan men Germanııa arasyndaǵy reısterdiń jalpy sany aptasyna 11-den 14-ke deıin artady. 

Bul eki el arasyndaǵy saýda-ekonomıkalyq, iskerlik jáne týrıstik yntymaqtastyqty odan ári damytýǵa yqpal etpek. 

Eske sala keteıik, buǵan deıin taǵy bir otandyq áýe kompanııasy naýryz aıynda qosymsha reısterdi iske qosatynyn habarlaǵan edik.