Otandyq kıno: «Zamanbek 2» ben «Baja» rekordtyq kórsetkishke jetti
ASTANA. KAZINFORM — Óser eldiń balasy birin-biri batyr der. Biriniń bıigin biri alasartpaı, keoisinshe jetistigine qýanyp, abyroıyn asyrý — eldiktiń de, keńdiktiń de belgisi. Búginde bul támsildiń máni otandyq kıno ortasynan da kórinis taýyp otyr.
Qazir qazaqstandyq fılmderdiń kassalyq tabysy kóńil qýantady. Sonyń bir dáleli — «Zamanbek 2» kartınasynyń nátıjesi. Fılmniń prokattan jınaǵan qarjysy 1 mlrd 600 mln teńgege jetti.
Ol byltyr kórermenge jol tartqan alǵashqy bólimniń 1 mlrd 480 mln teńgelik kórsetkishinen asyp tústi.
Al «Baja» komedııasynyń kassalyq túsimi 1 mlrd 100 mln teńgeni qurady.
Kınoındýstrııa ókilderiniń pikirinshe, bul úrdis otandyq kınonyń damýyna oń áser etetin jańa dástúrdiń qalyptasýyna jol ashady.
Alaıda kınoındýstrııa ókilderiniń nazaryn aýdarǵany tek kassalyq tabys emes. Sońǵy ýaqytta otandyq prodıýserlerdiń ózara qoldaýy kúsheıip keledi. Olar áriptesteriniń fılmderin kórermenge usynýǵa jáne aýdıtorııany ortaq maqsatqa jumyldyrýǵa atsalysyp júr.
Mundaı qoldaýdyń ıgiligin «Baýyr» fılmi de kórip otyr. KINO.KZ platformasynda úsh kún ishinde 18 700-den astam bılet satylyp úlgerdi.
Kınoındýstrııa ókilderiniń pikirinshe, bul úrdis otandyq kınonyń damýyna oń áser etetin jańa dástúrdiń qalyptasýyna jol ashpaq. Óıtkeni ár qazaqstandyq kartınanyń tabysy kórermenniń ulttyq kınoǵa degen qyzyǵýshylyǵyn arttyryp, tutas salanyń áleýetin nyǵaıtady.
Aıta keteıik, buǵan deıin, aptanyń kınopremeralar tizimin habarlaǵan edik.
