Otandyq kásiporyndarǵa 25 túrli shıkizatty jeńildikpen satyp alýǵa múmkindik berildi
ASTANA. KAZINFORM — Qazaqstandyq qaıta óńdeý kásiporyndary mys, alıýmınıı, qorǵasyn, myrysh jáne prokat sııaqty 25 túrli jergilikti shıkizatty jeńildikpen satyp ala alady.
Úkimettiń baspasóz qyzmetiniń málimetinshe, kásiporyndarǵa bul shıkizatty álemdik bırjalarda belgilengen baǵadan 5%-ǵa deıin tómen, al eksporttyq baǵadan 50%-ǵa deıingi jeńildikpen satyp alý múmkindigi berildi.
— Nátıjesinde elimizdegi qaıta óńdeý qarqyny artqan. Bastapqy alıýmınııdi tutyný 35%-ǵa ósip, 77,7 myń tonnaǵa jetti. Myryshty tutyný 45%-ǵa ósip, 2,6 myń tonnany qurady. Katodty mysty tutyný 10%-ǵa artyp, 20,4 myń tonnaǵa jetti, — delingen habarlamada.
Sonymen qatar qazaqstandyq taýar óndirýshilerdiń tizilimi iske qosylyp, óndiristik qýattardy tsıfrlyq verıfıkatsııalaý arqyly 6 946 jumys istep turǵan kásiporynnyń mártebesi rastaldy. 1,1 myńnan astam jalǵan jetkizýshi tizilimnen shyǵaryldy.
Eske salaıyq, buǵan deıin Qazaqstan shıkizatty óńdeýge bet burǵanyn jazǵanbyz.
