Otandyq kásiporyndar jasandy ıntellektiniń qandaı elementterin engizdi

ASTANA. KAZINFORM — Elimizde 70-ten astam kásiporyn IIoT tehnologııalaryn qoldanyp jatyr. Bul týraly Úkimet otyrysynda Ónerkásip jáne qurylys mınıstri Ersaıyn Naǵaspaev aıtty.

— Ónerkásipte jasandy ıntellekt qazirdiń ózinde ónim sapasyn baqylaý men óndiristi tıimdi etýge qoldanylýda. ERG, Astana Motors jáne KAZ Minerals sııaqty iri kásiporyndar óndiristik alańda digital twins tehnologııasyn engizip jatyr. IIoT tehnologııalary qazirdiń ózinde jetpisten astam kásiporynda qoldanylýda, — dedi ol.

Máselen, mınıstrdiń dereginshe, «Astana Motors» kompanııasynda dánekerleý jumystaryn avtomatty túrde baqylaıtyn jasandy ıntellekt-taldaý júıesi engizilgen.

— Sonymen qatar, óndiristik protsesterdi naqty ýaqyt rejıminde modeldeý jáne ońtaılandyrý úshin, jasandy ıntellektpen digital twins modeli qoldanylady. Nátıjesinde ónim aqaýlary azaıyp, óndiris tıimdiligi artady, — dedi Ersaıyn Naǵaspaev.

Aıta keteıik, Úkimet otyrysynda ekonomıka salalaryna jasandy ıntellekt elementterin engizý jaıy talqylanyp jatyr.