Otandyq fılmderdi endi «Kınopoıskten» kórýge bolady

ASTANA. KAZINFORM  - Mádenıet jáne aqparat mınıstrliginiń qoldaýymen túsirilgen fılmderdi «Kınopoısk» platformasynan tamashalaýǵa bolady.

Mınıstrliktiń málimetinshe, onda 17 fılmnen turatyn arnaıy taqyryptyq jınaq usynylǵan. Bul kórermenge Ulttyq kıno ortalyǵynyń qoldaýymen túsirilgen ózekti ári mańyzdy kınojobalardy yńǵaıly formatta kórýge múmkindik beredi.

Usynylǵan fılmder qatarynda «Patrıottar ýaqyty», «Kanıkýly off-line 2», «Dos-Muqasan», «Qajymukan», «SHULAMAH», «Aǵaıyndylar», «Dala qasqyry» jáne basqa da mańyzdy taqyryptaǵy fılmder bar.

Aldaǵy ýaqytta bul tizim jańartylyp otyrady. «Kınopoısk» – Qazaqstandaǵy jetekshi beıneservıs. Onlaın kınoteatr eń tabysty qazaqstandyq fılmder men mazmundy serıaldardy usynady.

Sońǵy derekter boıynsha, 2024 jyldyń alǵashqy jartysynyń ózinde qazaqstandyq kontent 5 mıllıon saǵattan astam ýaqyt qaralǵan.

Aıta keteıik, «Shatyrdaǵy ekeý» fılmi halyqaralyq festıvaldiń toǵyz júldesin jeńip aldy.