Otandyq dári-dármek úlesin 50 paıyzǵa jetkizý úshin 7 joba qarastyrylyp jatyr

ASTANA. KAZINFORM – Elimizde otandyq dári-dármek úlesin arttyrý úshin 7 iri joba qarastyrylyp jatyr. 

– Bizge Memleket basshysy 2029 jylǵa deıin farmnaryqta otandyq taýardyń úlesin 50 paıyzǵa jetkizý tapsyrmasyn júktedi. 2024 jyly bul kórsetkish 15 paıyzdy qurady. Mınıstrlik jumys júrgizip, ınvestıtsııa tartýmen aınalysatyn jobalyq keńse ashyldy. Sonyń arqasynda 7 joba kelip tústi. Biz basqa memlekettik organdarmen birge olardy qarap jatyrmyz. Bul 7 jobany júzege asyrý úshin 700 mln dollardaı ınvestıtsııa kerek, - dedi QR Densaýlyq saqtaý vıtse-mınıstri Erjan Nurlybaev OKQ alańynda. 

Spıkerdiń aıtýynsha, bul jobalardyń bári dárilik zattardy óndirýdi jergiliktendirýge baǵyttalǵan.

— Olardy irikteý barysynda, birinshi kezekte, jergilikti ekonomıkamen qanshalyqty kiriktirilgenine mán beremiz. Qazaqstandyq shıkizat mólsheri kóp bolýy, baǵanyń qalyptasýy, jumys oryndarynyń sany, sondaı-aq osy jobanyń júzege asýy arqyly qanshalyqty elimizde dári-dármek qaýipsizdigi qamtamasyz etiletinine mán beremiz, - dedi vıtse-mınıstr. 

Buǵan deın el azamattary tegin alatyn dáriler tizbegi keńeıtilgenin jazǵan edik. Sondaı-aq elimizde dári-dármektiń baǵasy 30 paıyz arzandaıtyny belgili boldy.