Otandyq boksshy Sáken Bıbosynovqa jańa áskerı shen berildi
ASTANA. KAZINFORM — Qazaq boksynyń jaryq juldyzy Sáken Bıbosynov bul joly sharshy alańnan tys jerde kezekti jetistikke qol jetkizdi, dep habarlaıdy Kazinform tilshisi.
28 jastaǵy ataqty sportshy, bokstan eki dúrkin álem chempıony jáne Olımpıada oıyndarynyń júldegeri resmı túrde aǵa leıtenant áskerı shenin aldy.
Ortalyq sport klýbynyń (TsSKA) baspasóz qyzmeti sportshyny jańa áskerı ataǵymen quttyqtady.
Aıta keteıik, Sáken Bıbosynov Qazaqstan quramasynyń kóshbasshylarynyń biri sanalady. Onyń enshisinde 2021 jáne 2025 jylǵy álem chempıonattarynyń altyn medaldary, sondaı-aq Tokıo Olımpıadasynyń qola júldesi bar.
Budan bólek, tájirıbeli bylǵary qolǵap sheberi kásibı boksta da tabysty óner kórsetip keledi. Qazirgi ýaqytta onyń enshisinde eki jekpe-jekte eki jeńis bar.
Eske salsaq, buǵan deıin Sáken Bıbosynovtyń WBA Asia belbeýi úshin ótetin jekpe-jegi birneshe ret keıinge shegerilip, keıin múlde ótpeı qalǵan bolatyn.
Alǵashynda Bishkek qalasynda uıymdastyrylatyn boks keshi 17 sáýirge josparlanǵan edi. Keıin uıymdastyrýshylar Taıaý Shyǵystaǵy jaǵdaıǵa baılanysty týrnırdi 23 mamyrǵa aýystyrǵan. Alaıda tórt kún qalǵanda jarystyń tolyqtaı toqtatylǵany belgili boldy.
