Otandyq boksshy álem chempıonatynda Qazaqstan quramasyna ekinshi altyndy saldy

ASTANA. KAZINFORM — Birikken Arab Ámirliginiń Dýbaı qalasynda ótip jatqan álem chempıonatynda fınalda el quramasynan Orazbek Asylqulov (57 keli) altyn medal ıegeri atandy.

Otandasymyz altyn júldeni tájikstandyq Hýsravhon Rahımovpen sarapqa saldy. Birinshi raýndta tóreshiler Orazbektiń basymdyǵyna qoldaý bildirdi. Odan keıingi raýndtarda da Orazbek qarqynyn báseńdetken joq. Nátıjesinde qazaqstandyq boksshy álem chempıony atandy.

Endi el quramasynan Abylaıhan Júsipov (71 keli) reseılik Sergeı Koldenkov, Sabyrjan Aqqalyqov (75 keli) reseılik Ismaıl Mýtsolgovpen qolǵap túıistiredi.

Aıta ketsek, budan buryn Sáken Bıbosynov eki dúrkin álem chempıony atandy.

Atalǵan dodada baq synaǵan otandastarymyz Temirtas Júsipov (48 keli), Ertýǵan Zeınýllınov (63,5 keli) qola júldeni qanaǵat tutty.

Sondaı-aq qazaqstandyq Danııal Sábıt (51 keli), Serik Temirjanov (60 keli), Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) jáne Nurlan Saparbaı (92 keliden joǵary) jarysty erte aıaqtady.

Aıta ketsek, álemdik dodada Reseı quramasynan 12 boksshy altynǵa talasýǵa múmkindik alǵan edi. Al Ózbekstan sapynan 6 boksshy fınalǵa shyqsa, Qazaqstannan — 4, Ázerbaıjan, Belarýs, Qyrǵyzstan jáne Tájikstannan 1 boksshy jeńistiń eń bıik tuǵyryna kóterilýge múmkindik aldy.