Otandyq bıznes ókilderi qalany damytýdyń bel ortasynda júrýi qajet - Toqaev
ASTANA. KAZINFORM – Prezıdent otandyq bıznes ókilderi qalany damytýdyń bel ortasynda júrýi qajet ekenin aıtty, dep habarlaıdy Aqorda.
- Maǵan búginde 50-den astam ınvestıtsııalyq jobadan turatyn pýl jasaqtalǵany jóninde málimdedi. Jalpy kólemi eki trıllıon teńgege jýyq qarjy quıylǵan bastamalar aıasynda 50 myńnan asa jumys orny ashylady.
Aldaǵy bir-eki jyl ishinde basym salalarǵa ınvestorlar tarta otyryp, atalǵan portfeldi keńeıte túsýimiz kerek.
Ásirese, otandyq bıznesti yntalandyrýǵa basa nazar aýdarylǵany jón. Bıznes ókilderi syrttan baqylaýshy bolmaı, qalany damytýdyń bel ortasynda júrýi qajet, - dedi Memleket basshysy.
Qasym-Jomart Toqaevtyń aıtýynsha, munyń mańyzy zor. Óıtkeni, Shenchjen sekildi qalalardyń tájirıbesi alǵashqy onjyldyqta shahardyń órkendeýine jumsalǵan ınvestıtsııanyń basym bóligin syrtqy emes, ishki salymdar quraǵanyn kórsetip otyr.
- Shenchjen, Haınan, Dýbaı, Sıngapýr sııaqty qalalardyń bárinde memleket alǵashqy ınvestor retinde bazalyq ınfraqurylym qalyptastyryp berdi. Osylaısha, bızneste táýekel azaıyp, tıisti jaǵdaı jasalatyn ornyqty ınvestıtsııalyq tsıkl iske qosyldy, - dedi Prezıdent.
Aıta keteıik, Prezıdent Alataýdyń alǵashqy tolyq tsıfrlyq qala bolatynyn málimdedi.
