Otandyq ázirleýshiler «aqyldy» eseptegishter jelisin keńeıtip, drondar shyǵarady

ASTANA. KAZINFORM — Prezıdent jarııalaǵan Tsıfrlandyrý jáne jasandy ıntellekt jyly aıasynda otandyq esepteý aspaptaryn óndirýshi kompanııa joǵary tehnologııalyq ónimder jelisin keńeıtip jatyr, dep habarlaıdy Úkimettiń baspasóz qyzmeti.

Sonymen qatar, derekterdi joldaý fýnktsııasy bar «aqyldy» esepke alý quraldaryn shyǵarady. NERO Group kompanııasy endi ınfraqurylymdardy, aýyl sharýashylyǵyn jáne tótenshe jaǵdaılardy baqylaýǵa arnalǵan pılotsyz ushý apparattaryn lokalızatsııalaý jobasyn qolǵa alǵaly jatyr.

Kompanııanyń óndiristik alańy «Alataý» ınnovatsııalyq tehnologııalar parki» arnaıy ekonomıkalyq aımaǵynda ornalasqan. Kásiporynǵa salynǵan ınvestıtsııalardyń jalpy kólemi — shamamen 2,4 mlrd teńge.

Búgingi tańda zaýyt energııa resýrstarynyń barlyq túrine, ıaǵnı jylý, sý, elektr energııasy men gazǵa arnalǵan «aqyldy» esepteý quraldaryn shyǵarýdyń tolyq tsıklin jolǵa qoıǵan. Ónimderiniń ereksheligi — elishilik qundylyq úlesiniń joǵary ekendiginde, ol 58% ben 83% aralyǵynda ózgerip otyrady.

— Prezıdent 2026 jyldy Tsıfrlandyrý jáne jasandy ıntellekt jyly dep jarııalady. Jalpy, sońǵy jyldary Memleket basshysy tsıfrlandyrý qajettiligi týraly únemi aıtyp keledi. Energetıka jáne turǵyn úı-kommýnaldyq sharýashylyǵy salasyndaǵy tsıfrlandyrýdy birinshi kezektegi mindet dep sanaımyz. Prezıdenttiń bastamalarynyń arqasynda jelilerdi jańǵyrtý boıynsha aýqymdy Ulttyq joba bastaldy. Qazaqstanda buǵan deıin mundaı bolmaǵan. Onyń nátıjesi tek tsıfrlandyrý ǵana emes, sonymen qatar energetıkalyq ekonomıkany tolyq jańartý bolady dep úmittenemiz. Bizdiń kásiporyn jabdyqtyń qajetti kólemin qamtamasyz etýge daıyn. Barlyq aspabymyz derekterdi joldaý fýnktsııasymen jaraqtalǵan, bul zamanaýı dıspetcherleý qyzmetine negizi bola alady, — dep atap ótti NERO Group kompanııasynyń quryltaıshysy Erlan Nábıev.

Kompanııa, sondaı-aq, óndiristi ártaraptandyrýdaǵy josparymen bólisti. Máselen, kabeldik ónimder men mýftalardy shyǵarýdy qosa alǵanda, 5 lokalızatsııalaý jobasy iske qosylǵan. Azamattyq maqsattaǵy pılotsyz ushý apparattaryna erekshe nazar aýdaryp otyr. Drondar elektr jelileri men qubyrlardy tekserý, tótenshe jaǵdaılardy monıtorıngteýge, sonymen qatar aýyl sharýashylyǵy men ishki ister organdarynyń qajettilikteri úshin paıdalanylady.

Kásiporynnyń damýynda jasandy ıntellekt tehnologııalaryn engizetin bilikti kadrlar mańyzdy ról atqarady.

— Jasandy ıntellekt barlyq jerde — kúndelikti ómirde ǵana emes, ónerkásipte de engizilip jatyr. Bizdiń ázirlemelerimiz «aqylmen únemdeýge» jáne resýrstardy tutynýdyń sapaly analıtıkasyna jol ashady. Kompanııada jumys istegen 10 jyl ishinde men operatordan ázirleýshige deıingi joldan óttim jáne ınjenerlik mamandyqtardan úlken perspektıvalar kórip otyrmyn, — dep atap ótti kompanııanyń baǵdarlamashy-ázirleýshisi ıÝrıı Makrýshın.

Budan buryn Oljas Bektenov Prezıdenttiń «Alataý» ITP» AEA aýmaǵyndaǵy joǵary tehnologııalyq óndiristerdi damytý jónindegi tapsyrmalarynyń oryndalý barysyn teksergenin jazǵan edik.