Otandyq 3 munaı óńdeý zaýyty da Jet A-1 avıaotynyn óndirýge daıyn – Ashat Hasenov
ASTANA. KAZINFORM – Otandyq munaı óńdeý zaýyttary avtomobıl joldarynyń sapasyn arttyrýǵa múmkindik beretin modıfıkatsııalanǵan bıtým óndirisine kóshý máselesin pysyqtap jatyr. Bul týraly Úkimet otyrysynda «QazMunaıGaz» UK» AQ basqarma tóraǵasy Ashat Hasenov aıtty.
- «QazMunaıGazdyń» munaı óńdeý zaýyttarynyń toqtaýsyz jumysyn jolǵa qoıyp, damytý – strategııalyq mańyzdy mindet. Búgingi tańda turaqtylyq ındeksin 96 paıyzǵa deıin arttyrýǵa baǵyttalǵan jańa tehnologııalyq sheshimderdi engizý boıynsha júıeli jumystar júrgizilip jatyr. Jeńil munaı ónimderiniń shyǵymy – munaı óńdeý zaýyttarynyń jumys tıimdiligin aıqyndaıtyn mańyzdy kórsetkishterdiń biri. Zamanaýı katalızatorlar men qospalardy qoldaný, tehnologııalyq protsesterdi avtomatty túrde basqarý, sondaı-aq óndiristi toqtatpaı aqyldy tehnologııalardy engizý sııaqty is-sharalar arqasynda bul kórsetkishti 2029 jylǵa qaraı 83 paıyzǵa deıin jetkizý kózdelgen, - dedi Ashat Hasenov.
Kompanııa basshysynyń aıtýynsha, qaıtarymsyz shyǵyndar men otyn tutynýdy tómendetý de erekshe nazarda. Onyń ishinde kómirsýtek gazdarynyń shyǵyn joldaryn anyqtap, olardy biteý arqyly 8-den 5,5 paıyzǵa deıin qysqartý josparlanyp otyr.
- Búgingi tańda úsh munaı óńdeý zaýyty Jet A-1 avıaotynyn óndirýge tehnıkalyq jáne normatıvtik turǵydan daıyn. Avıatsııa salasyn ekologııalyq taza otynmen qamtamasyz etý maqsatynda «QazMunaıGaz» Kaz Food Products-pen birlesip bıoetanoldy jańartylatyn avıaotynǵa aınaldyratyn SAF óndirisi jobasyn iske asyryp jatyr. Bıyl jobalyq jumystary bastalady. Sondaı-aq, avtomobıl joldarynyń sapasyn arttyrýǵa múmkindik beretin modıfıkatsııalanǵan bıtým óndirisine kóshý pysyqtalyp jatyr, - dedi ol.
Buǵan deıin Úkimet otyrysynda ınnovatsııalardy damytý máselesi talqylanatynyn jazǵan edik.
