Otandastarymyz el bolashaǵyna beı-jaı qaramaıtyn boldy - Memleket basshysy
«Otandastarymyz el bolashaǵyna beı-jaı qaramaıtyn boldy. Ashyq túrde óz pikirlerin aıta bastady. Azamattyq qoǵam barynsha belsendi bola tústi. Degenmen, keıde oǵan kemeldilik jetise bermeıdi. Bul júre túzeletin is. Al bul bizdiń demokratııamyzdyń nyǵaıatyndyǵyn, qoǵamdyq sana-sezimin otanshyldyq qundylyǵyna negizdeletindigin bildiredi», - dedi QR Prezıdenti.
Memleket basshysy keńestiń árbir múshesiniń óz paıymy men ustanymy bar ekendigine nazar aýdardy.
«Bul damyǵan azamattyq qoǵamnyń tabıǵı jaı-kúıi. Biz meniń ulyqtaý rásiminde aıtqan «ártúrli pikir, birtutas ult» degen tezısime súıenýimiz qajet. Shyndyǵynda balamasyz, bastamasyz jáne belsendiliksiz damýǵa jol joq. Bul alǵa jyljýdy qamtamasyz etetin úsh kıt», - dedi Qasym-Jomart Toqaev.
