Otandastar qorynyń ókili Qalybek Qoblandın Mońǵolııanyń «Altyn juldyz» ordenimen marapattaldy

ASTANA. QazAqparat - «Otandastar qory» KeAQ joba úılestirýshi, qoǵam prezıdentiniń keńesshisi Qalybek Ibragımuly Qoblandın Mońǵolııa prezıdenti Ýhnaagıın Hýrelsýhtyń jarlyǵymen «Altyn juldyz» ordenimen marapattaly, dep habarlaıdy QazAqparat.

Joǵary dárejeli ordendi Mońǵolııanyń Qazaqstandaǵy elshisi Dorj Baıarhýý tabystady.

«Marapat laıyqty ıesin tapty dep oılaımyn. Bul ordenniń dárejesi óte joǵary»,- degen elshi Qalybek Ibragımulyna 2013-2019 jyldary Qazaqstan Respýblıkasynyń Monǵolııadaǵy Tótenshe jáne Ókiletti Elshisi qyzmetin abyroımen atqaryp, eki el arasyndaǵy dostyq kópirdiń nyǵaıýyna qosqan zor úlesi úshin rızashylyǵyn bildirdi.

Kezdesýde «Otandastar qory» KeAQ prezıdenti Abzal Saparbekuly Mońǵolııanyń Qazaqstandaǵy Elshisi Dorj Baıarhýýǵa Mońǵolııa qazaqtarynyń IV kishi Quryltaıy aıasynda ótken is-sharalardyń, mádenı jáne rýhanı keshterdiń joǵary deńgeıde ótýine qoldaý bildirgeni úshin alǵys aıtyp, qazaqtyń salt-dástúrine saı ıyǵyna shapan japty.