Otandastar qorynyń maqsaty - álem qazaqtaryn tarıhı Otany tóńireginde biriktirý
Osy tapsyrmalardy oryndaý maqsatynda Qazaqstan Úkimeti 2018-2022 jyldarǵa arnalǵan sheteldegi etnıkalyq qazaqtardy qoldaý boıynsha is-sharalar josparyn ázirlep, bekitti (2018 j. 18 mamyr).
Іs-sharalar jospary boıynsha sheteldegi etnıkalyq qazaqtardyń bilim alýyna jáne tilin saqtap qalýyna jaǵdaı jasaý, olarmen mádenı-gýmanıtarlyq jáne aqparattyq-úılestirý baılanystaryn qamtamasyz etý, sheteldegi jáne otanyna kóship kelgen qazaq dıasporasyna qoldaý úshin DQQ jumysyn jandandyrý kózdelgen. Bul baǵyttar boıynsha jumystar júrgizilýde.
«Otandastar qory» kommertsııalyq emes aktsıonerlik qoǵamy 2018 jyldyń qazan aıynda óz jumysyn bastady.
Qazirgi ýaqytta «Otandastar qorynyń» jalpy ustanymynyń máseleleri pysyqtaldy (2019 - 2022 jj. arnalǵan Jol kartasy).
Negizgi ıdeologııa - Dúnıejúzi qazaqtarynyń qaýymdastyǵymen birlesip, búkil álem qazaqtardyń tarıhı jáne etnıkalyq Otany tóńireginde birlestirý.
Bizdiń maqsatymyz - ulttyq biregeılikti saqtaý, elimiz myqty, ári jaýapkershiligi joǵary birtutas ult bolý, qazaq dıasporasy boıynsha memlekettik saıasatty qalyptastyrý.
«Otandastar qory» KEAQ óz jumysyn jobalyq keńse formatynda, otandastar úshin qyzmet kórsetýdiń biryńǵaı operatory retinde uıymdastyrady.
«Otandastar qorynyń» barlyq jobalary 7 baǵytqa úılestirilgen.
Dıasporalyq saıasat baǵdarlamalaryn ázirleý.
2. Baılanys-ortalyǵy men qoǵamdyq qabyldaý jumysyn úılestirý.
3. «Otandastar» dıalogtyq alańdaryn qurý.
4. Bilim berý jobalary arqyly sheteldegi qazaq dıasporalarynyń balalaryna Qazaqstanda bilim alýǵa yqpal etý.
Qazaq mádenıetin ilgeriletý.
6. Qazaq dıasporasy men qazaqstandyq bıznes ókilderiniń iskerlik baılanystaryn ornatýǵa jáne nyǵaıtýǵa yqpal etý.
7. Dúnıejúzi qazaqtar qaýymdastyǵy aınalasynda álemdegi qazaq dıasporalarynyń biryńǵaı qurylymdyq júıesin qurý.
Negizgi basymdyq - shet memleketten elge kelemin degen otandastardy qoldaýdyń keshendi baǵdarlamasyn ázirleý, kóship kelgen aǵaıyndardy turǵyn úımen, jumyspen qamtý, oqytý jáne áleýmettik turǵydan beıimdeý. Sondaı-aq shetelde turatyn talantty, bilimdi qazaqtardy elge tartyp, olarǵa jaǵdaı jasaýǵa negizdelmek.
Sonymen birge dıasporalyq saıasat baǵdarlamasyn ázirlep, qazaqtardyń ómir súrip jatqan elderdegi tirshilik erekshelikterine sáıkes bıznes modelin jasap, ondaǵy dıaspora ókilderin elge kóshirý tetikterin qarastyrýǵa mańyzdylyq berilýde.
Jalpy qazirgi ýaqytta dıaspora máseleleri boıynsha otandastar týraly jınaqtalǵan málimetterdi ózektendirip, qosymsha zertteýler júrgizip, júıelendirýmen aınalysyp jatyrmyz. Sonyń negizinde aǵymdaǵy jyldyń sońyna deıin otandastardy qoldaýdyń keshendi baǵdarlama jobasyna demografııalyq, ekonomıkalyq, mıgratsııalyq jáne basqa da aspektilerdi qamtyǵan, naqty ǵylymı turǵydan negizdelgen usynystar ázirlenetin bolady.
Osy rette, elder boıynsha qazaq dıasporasynyń máseleleri men Qazaqstandaǵy repatrıanttardyń máselelerin zertteý jáne shet elderdegi otandastardy qoldaý jáne olardy tarıhı Otanyna qaıtarý boıynsha ozyq halyqaralyq tájirıbelerdi zerdeleý sharalary qolǵa alyndy.
Osy jáne basqa da jumystara qoǵam ókilderin belsendi tartý maqsatynda «Qoǵamdyq komıssııa» jáne «Ǵylymı-saraptamalyq keńes» suhbat alańdary quryldy. Bul dıasporalyq saıasat máselelerin ózektendirip, sarapshylarmen talqylaýǵa jáne ilgeri jyljytyp otyrýǵa ıgi áserin tıgizedi.
