«Otandastar Qorynyń» baılanys ortalyǵy shaǵymdar qabyldaı bastady
NUR-SULTAN. QazAqparat - «Otandastar Qory» kommertsııalyq emes aktsıonerlik qoǵamynyń baılanys ortalyǵy memlekettik organdar men barlyq deńgeıdegi basqarmalardyń jumysy boıynsha shaǵymdar men usynystar qabyldaı bastady. Bul týraly QazAqparat Qordyń baspasóz qyzmetine silteme jasap habarlaıdy.
Eske sala keteıik, bıyl 22 sáýirde otandastar máselesi jónindegi biryńǵaı baılanys ortalyǵy iske qosylǵan bolatyn. Baılanys ortalyǵy otandastarǵa memlekettik qyzmet kórsetý, «oralman» mártebesin jáne Qazaqstan Respýblıkasynyń azamattyǵyn alý, áleýmettik tólemder men jeńildikter, memlekettik kómek jáne taǵy basqa máseleler boıynsha jedel kómek berýdi júzege asyrady.
«Baılanys ortalyǵy memlekettik organdar men barlyq deńgeıdegi basqarmalardyń jumysy boıynsha shaǵymdar men usynystar qabyldaı bastady. Memlekettik qyzmetterdi sapasyz kórsetý jáne ýákiletti tulǵalar tarapynan salǵyrt qaraý jaǵdaılary týraly dereý habarlaýyńyzdy suraımyz. Joǵaryda kórsetilgendeı shaǵymdar men usynystar ótinish kelip túsken mekemelerdiń birinshi basshylaryna, sondaı-aq osyndaı sıpattaǵy ótinishterdi qaraýǵa jaýapty ýákiletti organǵa jiberiletin bolady», - delingen baspasóz baıanynda.
Biryńǵaı baılanys ortalyǵyna myna nómirler boıynsha habarlasýǵa bolady:
- 1404 (barlyq qazaqstandyq mobıldi operatorlarǵa qońyraý shalý tegin);
- 8 800 080 14 04 (Qazaqstan boıynsha qalalyq nómirlerden qońyraý shelý tegin);
- +7 7172 98 14 04 (qońyraýlar qalalyq nómirlerden Qazaqstan boıynsha tegin, shetelden sheteldik baılanys operatorlarynyń tarıfi boıynsha alynady);
- +7 701 000 14 04 (WathsApp jáne Telegram habarlamalary úshin);
- E-mail: komek@oq.gov.kz
- Skype: komek@oq.gov.kz
