Otandastar qorynyń prezıdenti taǵaıyndaldy
ASTANA. KAZINFORM – Dáýrenbek Yrysqalı Raqymuly «Otandastar qory» KeAQ prezıdenti bolyp taǵaıyndaldy.
Dáýrenbek Yrysqalı 1963 jyly Qaraǵandy oblysynda dúnıege kelgen.
Almaty shet tilderi pedagogıkalyq ınstıtýtyn bitirgen.
Dıplomatııalyq mansabyn 1993 jyly Qazaqstan Respýblıkasy Syrtqy ister mınıstrliginiń Konsýldyq basqarmasynyń referenti laýazymynan bastaǵan.
Ár jyldary QR SІM Ortalyq apparatynda, sondaı-aq Qazaqstan Respýblıkasynyń Germanııa men Shveıtsarııadaǵy sheteldik mekemelerinde basshylyq laýazymdarda qyzmet atqarǵan.
2020-2021 jyldary Qazaqstan Respýblıkasynyń Omby qalasyndaǵy (Reseı Federatsııasy) Bas konsýly laýazymyn atqarǵan.
2021-2024 jyldary Qazaqstan Respýblıkasynyń Germanııa Federatıvtik Respýblıkasyndaǵy Elshiliginiń Bonn qalasyndaǵy bólimshesiniń keńesshi-ýákili qyzmetin atqarǵan.
«Otandastar qory» KeAQ prezıdenti bolyp taǵaıyndalǵanǵa deıin, 2024 jylǵy jeltoqsannan bastap Qazaqstan Respýblıkasy Syrtqy ister mınıstrligi Konsýldyq qyzmet departamenti dırektorynyń orynbasary qyzmetin atqarǵan.
«Qurmet» ordenimen, sondaı-aq «Shapaǵat» jáne «QR syrtqy saıasatyna qosqan úlesi úshin» medaldarymen marapattalǵan.
II synypty Tótenshe jáne Ókiletti Ýákil dıplomatııalyq dárejesine ıe.
Nemis tilin meńgergen.
Aıta keteıik, buǵan deıin «Otandastar qory» KeAQ prezıdenti qyzmetin Abzal Saparbekuly atqarǵan.
Qaraǵandy oblysynyń qurylys basqarmasynyń basshysy laýazymyna Maqsat Muqashev taǵaıyndaldy.
